[بونوره فوق الشجره]

السلام عليكم ورحمة الله وبركاته وبعد
بأختصار جدا وعاميه للغايه في اول السنه 1428ابا أصير سيدا ونظامي ورجل مثالي ومن الصباح توجهت للمرور للتجديد الرخصه قالو لازم تأمين قلت تأمرون أمر لأننا متفقين اني سيدokرحت ودورت تأمين بيني وبينكم دورت الرخيص ولقيت {اللي العربي}وقالي المصري ياهلا باسيد حلفت تأمينك عندنا والله واحط رجل على رجل ويعطين التأمين بظرف 47 ثانيه وأقرا أن التأمين يكفلك الى كم مليون المهم كملت أجرأتي وأخذت الراخصه وبعد يومين حصلي حادث أليم الى الطرف الاخر ورحت للمرور وخلصنا الاجرائات وأعلمكم أن التأمين{ شنب } ورحت للناس الي ماأمنو لالالالالالالالالالالالالالالالايفوتكم وبعد اسبوع من الحادث حصلي حادث آخر بسيط ولله الحمد وخلصنا الا أجرائات مثل قبل والحمد لله وتمشي الايام وفي صباح يوم لايحظرني بالظبط يعني بعد تقريبا 20يوم دق رقم من الرياض السلام أخ فلان نعم راجع فرعنا ورجع التأمين وخذ فلوسك !!!! ولاعمرنا نشوفك بالشارع ذاك قلت ليش يالحبيب قال مومعقول بسبوعين حاديثين قلت يأخي هذا بيد الله مو بيد أم العنزي قلت وين كلامكم نأمن عنك وتعتبر بمثابة كفيل غارم وأداء للحق الخاص الناتج عن الحادث قالي تقرير الحادث خطاء اشرحلي الحادث قلت هذا ماهب شغلي أرجع للمرور المهم طال الموضوع أكثر نص ساعه حاولت أخذ اسمه تهرب بشده وعلى فكره حاول يهدد بأسم أمير قالي أن هذه تعليمات طويل العمر قلت ياخيي ونعم فييه لاكن ماقالو لي يوم أمن لاتصدم الا كل شهر مره ومن بغا الدح ماقال أح حاول بكل الوسائل أنه يجد مخرج لاكن ماش طال الموضوع وجت ام العبيد وقلتله ياخي عطن أسمك ولا قفل وأنتهى النقاش عاد اسألك اخي القارء هاذا منطق ؟
وبعد قرابة الخمس شهور ونصف دق مرور بريده قالو أخ فلان نعم راجعنا قلت وش فيه قال بس تعال وقع علشان ياخذون الناس فلوسهم السراحه أستغربت أشوي قلت شكله نظام جديد رح يارجل لاتقطع الناس ويوم جيت للمرور ولاالموضوع غير ذالك وأتفاجئ بكلمة شركة التأمين رافعه عليك قضيه {ايش} قضية تحايل على التأمين ومحضر طوله متر وأن المؤمن كذكذكذكذ والى آخره ويجب تحويل المؤمن الى المحكمه والقا القسم امام الشيخ قلت وين يالحبيب وش هالتأمين ياكافي قلت ماأمنت علشان أراجع المحاكم وعلى فكره وشلون اقسم عند الشيخ على شي حرام وأنا مجبر على التأمين وطال الموضوع وجاء مندوب التأمين وتكلم معي قلت ياخي هل من المنطق انه واحد يدق على بالتليفون ويهدد بأسترجاع التأمين واقوله عطن اسمك يقول لا .
قالي ليس منطق قلت ياخي هذا ماهو شغل تشغلون العالم أمنو واذا أمنو وصدمو أشتكيتوهم وأذا ماصدمو مارجعتو فلوسهم اوخطاب شكر بس تبون مصلحتكم فقط وطال الكلام الي ماله لازم وخرجت لأن الي أتكلم معه مابيده فك وربط ليش اتعب نفسي ومريت مدير الحوادث المحترش وشرحت الموضوع قالي ياخي العزيز ترانا طاقه اكبدنا من التأمين ومشاكلهم والي تبي منا احنا مستعدين .
ومازال الموضوع الى يومنا هذا
وأرجو المعذره اذا كان فيه أخطاء املائيه وشكرآ

[مخاوي الصمت]

وعليكم السلام ورحمة الله وبركاته

كان الله في عونك اخي الحبيب

أعتقد أن شركة التأمين فعلت هذا الشي لأنها تظن أنك متعمد لهذه الحوادث
يعني فعل فاعل
وأحمد ربك انهم يبي يعطونك قروشك انت خذ دراهمك وأمن عند غيرهم
الشكوى لله
وبعدين على ما أعتقد أن المرجع لهم مؤسسة النقد مهب المحكمة

اقتباس ترانا طاقه اكبدنا من التأمين ومشاكلهم والي تبي منا احنا مستعدين

لا تخلينا من فزعة المرور
ووشلون تعاونهم وتعاملهم سواء مع المواطنين او شركات التأمين


الله المستعان
كان الله في عونك

[وحيد الخلان]

يا رجال لا تروح الا لـ شركة معتمدة من المرور نفسه ,,


ولا تصير مثل واحد من الشباب أمن من تأمين كيف الحال وبعد يومين صك التأمين


وخوينا قعد به بس يجخ بالبطاقة اللي هم معطينه إياه



سلامـ

[ابوالفوارس]

اخوي ابو نوره اعجبني طرحك للموضوع والحق معك ولايهمك احد

لكن الغريب ليش المرور يتدخل بينك وبين التامين

عندهم شك انك متحايل يروحون يطلبونك بالشرطه مو بالمرور