[راعي الطيب]

معاشر الأعضاء والمشرفين الكرام !!!

ظهر في الآونة الأخيرة ثالول خطير في هذا المنتدى الراقي

وهذا الداء بدى يستشري في جسد " سوالف كشكولية " يجب علينا القضاء على هذا المرض قبل فوات الآوان وقبل أن نأكل الإدآم << ضرورة شعريه


شن علي التهم جزافا و رماني بالخبث عيانا , وأنا صابر ومحتسب << إيه هين


ولكن آون الآون الآوان لأن ألقمه الحجر تباعا , وأغسله شراعه شدادا <<< والله منب سهلي اثري لغوي

اظنكم قد عرفتموه أنه (( عربجي قاااضي )) ويكفي أسمه على ماسوف أقول ...

أيها العربجي لقد إرتقيت مرتقى صعبا ياروعي الغنم وحارشتني وانت منب قدها <<ضرورة عامية

& & & &

عاد ترى مليت من اللغة عن اذنكم ابغسله بالعامية الحين ...

وراك بالين انت يالعربجي ؟؟

انا ما حطيت صورة يد بنت ولا ناوي احط صورة شغالتنا اللي عمرة 35 سنة << جيدا خلاص يبي يشد عن المنتدى بسبتنا

ليش انا ماعمري غلطت على احد بالمنتدى هذا ابد , كلهم احبهم ويحبونن , إلا اللي يستاهل تغلط عليه , يعني لازم أصير ولد الربدي عشان ما تغلط علي ..

شف يالعربجي !!!!

علمن ياصلك ويتعداك ترى لساني يلوط إذاني

تراي أقشر يعني بالعربي " مهبول مستصح " :D, إن ما كفيت شرك عن جيدا وعن باقي الأعضاء ترى أبخلي جدتي منيرة تدعي عليك ...

وقد أعذر من أنذر ....

على نفسها جنت براقش *** وهذا طبختس يالرفلى كوليه *** ويداك أوكتا وفوك نفخ


والآن يا أتباعي <<< وش عنده كوفي عنان

أفطنوا لكم تصدقون كل ما يقال عني من هذا الثالول

[دريم]

حرام عليك و الله إنه وش مليحته

مايستاهل كل هالحشود

و هو مابلاك إلا إنه يحبك لأن من حبك دقك

[ريناو]

:D
.
لا فض فوك وجزاك الله خيراً
.
أبشر بمن يقف معك طوال فترة العدا
.
ولا يهمك بعض الناس تراهم حاقدين
.
:D
.
إعتبرن اعز صديق لك
وحارس امن بعد << وش تبي اكثر من تسذا
.

[قطرات]

عليك به ياراعي الطيب والله ياانت راعي هوشات وحنا مادرينا؟؟ ابرد كبدك دامه يمديك والسالفه هرج مابه طقاق زين بعد.... وترى لافات الفوت ماينفع الصوت...................

والعذر والسموحه ياعربجي بس انا جازتلي سالفة الهوش والا والله ماتستاهل الا كل خيييييييييييييير
تحياتي للحبايب..

[راعي الطيب]

اقتباس المشاركة الأساسية كتبها دريم حرام عليك و الله إنه وش مليحته مايستاهل كل هالحشود و هو مابلاك إلا إنه يحبك لأن من حبك دقك

هلا والله بخلفهم دريم ياخلفهم مثل ما أنه من حبك دقك انا بعد من حبي له دقيتهـ

مشكور يالغلا عالمرور الحلو انا بإنتظارك تكون احد انصاري عليه وين باقي أنصاري وين خوياي وين السنافر ربعي

[راعي الطيب]

اقتباس المشاركة الأساسية كتبها ريناو :D . لا فض فوك وجزاك الله خيراً . أبشر بمن يقف معك طوال فترة العدا . ولا يهمك بعض الناس تراهم حاقدين . :D . إعتبرن اعز صديق لك وحارس امن بعد << وش تبي اكثر من تسذا .

كفوووووو بالرجال إيه قده وقدود ياريناو تسلم لي ياخلفهم

اتشرف تكون صديقي ياخلفهم وخلك " البودي قارد " حقي :D

شعارنا يالغلا (( معا ضد العربجي ))

[دريم]

اقتباس المشاركة الأساسية كتبها راعي الطيب هلا والله بخلفهم دريم ياخلفهم مثل ما أنه من حبك دقك انا بعد من حبي له دقيتهـ مشكور يالغلا عالمرور الحلو انا بإنتظارك تكون احد انصاري عليه وين باقي أنصاري وين خوياي وين السنافر ربعي

و الله إنكم كلكم غالين علي و ودي أفزع معكم كلكم

بس إسمح لي أبفزع معه ياويلي وهو ما معه أحد كل السنافر معك :D

و هو أويتله ما معه أحد

[راعي الطيب]

اقتباس المشاركة الأساسية كتبها قطرات عليك به ياراعي الطيب والله ياانت راعي هوشات وحنا مادرينا؟؟ ابرد كبدك دامه يمديك والسالفه هرج مابه طقاق زين بعد.... وترى لافات الفوت ماينفع الصوت................... والعذر والسموحه ياعربجي بس انا جازتلي سالفة الهوش والا والله ماتستاهل الا كل خيييييييييييييير تحياتي للحبايب..

نورت الموضوع ياقطرات ياحبيلك بعد دائما من أوائل المعلقين على مواضيعي المتواضعه


ياخلفهم طقت تسبدي من هالعربجي يبي يخرب سمعتي بالمنتدى باللي هو به

شفت انه مايصلح إلا " قابل الصراخ بالصراخ تسلم "


وبعدين ليه تستسمح من العربجي خله يستاهل قلعته حقه وما جاه خله القراده تنفعه


مشكوووووور يالغلا عالمرور الرائع كروعتك دائما

[خوي السرور]

شد علييييييييه ..

[راعي الطيب]

اقتباس المشاركة الأساسية كتبها خوي السرور شد علييييييييه ..

مشرفنا الغالي خوي السرور << دموع الفرحه


ياخلفهم أنت لا توصي حريص أبطلع كربونه هالعربجي

مشكووور ياخلفهم نورت الموضوع يالغالي وفعلا فرحتني :D

[راعي الطيب]

اقتباس المشاركة الأساسية كتبها دريم و الله إنكم كلكم غالين علي و ودي أفزع معكم كلكم بس إسمح لي أبفزع معه ياويلي وهو ما معه أحد كل السنافر معك :D و هو أويتله ما معه أحد

هين يادريم شغلك عندي تفزع مع العربجي وتتركن

خله ينفعك

والسنافر مب مقصرين معي يبي يوقفون معي ضد هذا الغاشم

والآن شعارنا " معا ضد العربجي ودريم "

[قطرات]

والله ماانتب سهل ياراعي الطيب حتى المشرفين فزعوا معك!!!!!
بس تستاهل ياخلفهم...

[راعي الطيب]

اقتباس المشاركة الأساسية كتبها قطرات والله ماانتب سهل ياراعي الطيب حتى المشرفين فزعوا معك!!!!! بس تستاهل ياخلفهم...

المشرفين والأعضاء وانت على رأسهم مع الحقيقه معي او مع غيري ياخلفهم

بس اشم ريحة خيانه من دريم الله يستر لا يكونون حزب المعارضه وينقلبون علي

تحياتي لك يالغلا

[عربجي قاااضي]

بسم الله الرحمن الرحيم ,, أما بعد


عندما قرأت موضوعك النتن أيها الراعي لم يتمالك قلمي إلا


أن يسطر هذه الحروف بحبره السائل !!

بسم الله على بركة الله


أيها الأحبة الكرام /


فلقد طال لسان هذا الروعي علي وأعلن الحرب جهارا ..


وبدأ يسب ويشتم ويرفس >>>> هجت بي يرفس



من العربجي المحبوب المظلوم إلى الخائن النذل المتكبر ( راعي الطيب )


فلقد قرأت رسالتك أيها الخائن وهذا ردي عليها :

اقتباس ظهر في الآونة الأخيرة ثالول خطير في هذا المنتدى الراقي

نعم ظهرت وبكل فخر ولني لست ثالولا <<< الله يجعلك للثواليل اللي تملى جسمك ..

اقتباس وهذا الداء بدى يستشري في جسد " سوالف كشكولية " يجب علينا القضاء على هذا المرض قبل فوات الآوان وقبل أن نأكل الإدآم << ضرورة شعريه

نعم كنت سابقا اذا دخلت السواليف الكشكوليه لا أجد الا هذا الرويعي يسرح ويمرح

فقلت دعنا نعاونه فلما دخلت وبدأ ظهوري وبدأ الناس يتوافدون من حولي .. شن هجومه

وحقد علي .. <<< يعني كل هذا حقد لأني غطيت عليك ؟

اقتباس شن علي التهم جزافا و رماني بالخبث عيانا , وأنا صابر ومحتسب << إيه هين

أنظر إلى الكذب عينك عينك .. وإذا كنت كما قلت فاعلم أنني صادق وأنني لم أتفوه بالخطأ بل هي الحقيقة

اقتباس ولكن آون الآون الآوان لأن ألقمه الحجر تباعا , وأغسله شراعه شدادا

ههههههههههه ياحليلك أجل تلقمن حجر اعنبو دارك مالقمون الكبارين حجر تجي أنت


لكن حاول فلن تخسر شيئا .. وأتباعك أيضا ..

اقتباس اظنكم قد عرفتموه أنه (( عربجي قاااضي )) ويكفي أسمه على ماسوف أقول ...

ولله الحمد حققت مطلبي ومبتغاي ألا وهي الشهرة نعم في يوم وليله عرفني أغلب الأعضاء

وإسمي واضح وصريح <<< أحسن من اللي برا الله الله ومن جوا يعلم الله !! أظنكم عرفتو

اقتباس أيها العربجي لقد إرتقيت مرتقى صعبا ياروعي الغنم وحارشتني وانت منب قدها

لقد ارتقيت ولو أنه صعبا لما ارتقيت ولكنني واثق من نفسي ..


وأما عن رويعي الغنم فلا تقتبس مني أنا الذي أطلقتها عليك أولا <<< جب شي جديد


وأما عن التحرش أصلا ماتحرشت بك الا اني داري انه ماعندك أحد بس لسان يهرج ..

اقتباس وراك بالين انت يالعربجي ؟؟

أنا ماأبلى أحد بس لاأحد يتحرش بي وانت أظنك متحرش بي وإلا مابليتك خراص !!

اقتباس انا ما حطيت صورة يد بنت ولا ناوي احط صورة شغالتنا اللي عمرة 35 سنة

وااااااااو قايلك لاتجيب طاري جيدا عندي اخاف أستاثم به لأني نصحته ولا فاد وبدا يكابر


ويقول ان البنت صغيرة ..

اقتباس ليش انا ماعمري غلطت على احد بالمنتدى هذا ابد , كلهم احبهم ويحبونن , إلا اللي يستاهل تغلط عليه , يعني لازم أصير ولد الربدي عشان ما تغلط علي ..

ههههههه ايه هين تسانك ماغلطت على أحد اكبر مثال أنا ماامدان أشارك ولا مشاركه الا وأنت سابن

اعنبو دارك اعقل وترك الناس بحالهم ..

وبعدين ترا كل السنافر ذولا يولفون عليك يحتسون علي بقولون كره راعي الطيب << أبخربكم على بعض
اما عن الربدي هذا أصلا ماحبيته الا لأنه أخلاق مب زيك الأخلاق من جنبك ..

نصيحة من محب : الربدي ابعد عن المعركة أخاف يجيك رشق من راعي الطيب

اقتباس شف يالعربجي !!!!

هلا وش أشوف ؟

اقتباس علمن ياصلك ويتعداك ترى لساني يلوط إذاني

علمن ياصلك ويتعداك ذي تبعي قايلك انك نطول ..


لسانك يلوط اذانك ؟؟ <<<< الله يجعلك للسنة قل آمين

اقتباس تراي أقشر يعني بالعربي " مهبول مستصح " , إن ما كفيت شرك عن جيدا وعن باقي الأعضاء ترى أبخلي جدتي منيرة تدعي عليك ...

وأنا اقشر منك مادخلت المنتدى الا عشان أأدبك وأهبلبك ..


طيب وش دخلك بجيدا أما هالكمرة تسبه <<<< يدور الشر :D


وباقي الأعضاء لهم مكان فوق راسي ..


خل جدك منيرة تدعي كل هالسنين تدعي علي وانا ناظرن الحمد لله ..

اقتباس وقد أعذر من أنذر

يعني بديت ؟ زين خلاص

اقتباس على نفسها جنت براقش *** وهذا طبختس يالرفلى كوليه *** ويداك أوكتا وفوك نفخ

؟؟؟؟؟؟؟ وينكم ياحقين المدارس اشرحوا لي هالكلمات !!

اقتباس والآن يا أتباعي

جب اللي تبي من أتباعك وأنا لحالي وأول من يبي يخيليك اتباعك ذولا يطبلون لك الحين همن أنت اللي تآكله

اقتباس أفطنوا لكم تصدقون كل ما يقال عني من هذا الثالول

والله كل هرجك أول مرة أسمعه <<< يعني مادري منين مطلعه الهرجه توليييييييييف


والآن أحبتي الكرام فمن تبع هذا الرويعي فلا يلومن الا نفسه


لأنه خائن وسينقلب ضدكم !! فأحسن لكم اطلعو ألف عنه ..


وآخر كلمة أقولها لك >>>>>>>


بانتظار جميع الأعضاء المحاربين والسلميين ...



ــــــــــــــــــــــــــــــــــــــــــــــــــ ـــــــــــــــــــــــــــــــ