[مدحت شوقي بريده]

دلفت الى منزل امي موضي يوماً من الأياااااام ..
فقلت لها .. يمه موضي .. وش رايك نروح نزور أم رقيبة ..


وش به بسم الله عليه أم الرقيبة .. شايفته قبل يومين عند عمومك ماعنده خلااااااااااااف ..
متقهوية معنا .. وزارطتن منه هالكراث الين غدت سعابيله خضر ..


لايمه .. مهيب ام الرقيبة جيران عمومتي ..
هذي ( أم رقيبة ) اللي به مزايين الأبل .. يقولون به كل شي ..
مزايين الأبل وسوق شعبي .. وبه كل شي من مالذ وطااااااااااااااب ..


أها بس انثبر اولاه .. وش اللي مالذ وطاب ..
ياوليدي والله لو انك قاعدن توصف الجنة ..
مير تدري ياوليدي .. ماودي اكسحك .. والله انه ماتسوى فرحك ..



اشوه عباتي يامنيرة ابروح مع هالتفخ لأم رقيبة ..
وركبنا السيارة وتوجهنا الى ( ام رقيبة )



وأول ماوصلنا أم رقيبة وتشوف امي موضي هالبعااااااارين .. وهن يبلصن من النظااااااافة ..
قالت .. ياوليدي دوك هاللي يلق ماشاء الله لااله الا الله .. هذا شكلهم يسبحونوه كل يوم ..
والله لو ابحلف ياوليدي ان راعية ماطب جسمه الماء من سنتين ..
الله اعلم ان البعير يتلطم من ريحة راعيه اذا جاء يسبحوه ..

لايمه .. اللي عنده هذا الراعي .. والا صاحب البعارين شوفيه اللي على اللكزس هناااااك ..



دوك دوك .. وشو هذا.. واويل تسبدتس ياموضي ..
وراهم ملبسينه تسذا .. وشواله كل هالدناديش ..






والله ياوليدي على هالدناديش ماتقول الا هرقل ملك الروم آنذاك .. :D:D:D
اوه .. لاتخلينا ( ياآنذاك ) ..
والله اني داري انتس ماتدرين وش معناه انذاك ..
تحسبينه كمالة الاسم .. :D:D:D





وأنا اقول .. ورانا مبطين ماسمعنا عن حوادث دعس البعاااارين ..
آثر اهلهن ضافينهن من الشوااااااااارع ..
والله ياوليدي انه هذي المنفعة الوحيدة اللي جتنا من ورى هالمزاين ..



عاااد ابسئلك ياوليدي ..
هل أملنا وتطلعاتنا هو بالفوز بأجمل ناااااااااقة .. او اجمل بعير ..

هل هذه هي آمال وتطلعااااااااات شباب بلد الحرمين .. ومهوى افئدة المسلمين ..

ايران تسابق الدول العالمية لإثبات وجودها بين الدول النووية .. في برنامج تخصيب اليورانيوم ..
لتنضم الى الدول العظمى في المنطقة والعالم أجمع ..

وباكستان والهند يتسابقون على التسلح النووي ..
وحنا مازلنا على اجمل ناقة .. وشاعر المليون ..


تقدمنا بعض الخطوااااااااات .. ولكن مثل هذه المسابقات .. ارجعتنا 100 سنة للوراء ..
بسبب هذا الزخم الاعلااااامي الهائل المصاحب لهذة المسابقات ..


لاانااااادي بالتخلي عنها بالكلية .. ولكن في ترشيد الاحتفاء بها والتحجيم من اهميتها ..
وأن هنااااااااااك ماهو اهم منها ..
وهو الابداااااع العلمي والتطوير والصناعة ومواكبة الأمم واللحاق بالركب ..

وليس ملااااااحق البعارين ..


ياوليدي رجعن بس لبيتنا .. ترى البنات يبي يجتمعن عندي اليوم ..
لايجن همن مايلقنن ..

سي يو ..

[ساحرة القرن الأخير]

:

أخوي مدحت شوقي بريده..؛

أول شي..شرف لي أن أكون أول من رد على موضوعكَ..؛

مقــآل جميل جداً أخوي مدحت..؛

وأسلوب أجمــل .. جمعت فيهِ مآبين الُفكــآهه والفــآئدهـ..؛

ومن المؤسف جداً مآألِ إليهِ حـــآلُنآ..؛

وأســأل الله أن يرد عزنآآ وصلآحنــآ .. ويهدي شبآب وبنآت المسلمين وينفــ ع بهم الأمه..؛

وأكآليل شكر وأمتنــآن لكَ أنت أخي مدحت على طرحكَ وحرصكَ وأسأل الله أن يجعله في موآزين حسنآتكَ..؛

دمتـ..بسـ ع ــآدهـ لاتفــآرقكَ..؛

ولاتحرمنــآ من جديدكَ..؛

:

[المنخرش]

هههههههههههههههه
صار الموضوع لأمك مهب لك
أنت ماتكلمت أبد


لكن والله أنه صادقة وأنا أخوك
مزايين الأبل ماجت من وراها منافع ..

ماغير خساير والاعلام مايصدق كبر عشان يكبر الموضوع

[دلووووووني]

استاذ مدحت


اه بس


ما تبي نرجع لايام اول


ونسوي مزايين السياكل

انواع الدناديش

وكل الوان الشطرطونات بالسيكل !!


والنسافات وما ادراك ما الناسفات
انواع السطبات

هاه وش قلت ؟

بس ما ادري واين تبين نخلي موقعه ؟؟

تقبل تحياتي

[جيدا]

ياسلام عليك يامدحت ..

موضوع يجمع المتعه والفائده .. ويزيده روعه أسلوبه ..

أستمتعت كثيرا بقراءة مقالك واستأت كثيرا بنفس الوقت لهذه الحال ..

الله المستعان ..

تحياتي ..

:9

[ღ ليالي نجــد ღ]

ولاتنسى تسلم لنــا على أمنــا مــوضي

[قمردين]

ههههه
أضحك الله سنك يامدحت .

[ابومحمد605]

لقد أسمعت لو ناديت حيا *** ولكن لا حياة لمن تنادي

عفاك الله على هذا النقد الساخر الذي جمع بين المتعة والفائدة

[أبو ريّـان]

اقول ماشاء الله عليك يامدحت منتب سهـــــــــــــــــــــــــــــل <<<صعب:D

اولاهـ تسثر من هذولاي ترابهن فايده وضحكه في آآن واحد<<<<آآن واحد قاريه بشامبو

[2 طش]

مقال رائع جدا

هذه حالنا وصدقت هذه المسابقات ارجعتنا للوراء 100 سنه

سي يو

[الـصـمـصـام]

..


والله يا عليك جدة بعد ...
و الله يكفينا شر المزاين ، و الإسراف الحاصل فيه ..
و المشكلة الناس ما تفكر ..

الله المستعان .

[سلمان البراهيم]

جزاك الله خير ..

[ADEEL]

يعطيك ربي الف عاااافيه على التعبير والكلام ولإسلوب والموضوع الاكثر من رائع ويخليك ربي لنا وللمنتدى وامك موضي

[صافي النية]

هههههههههههه
والله شي حلو ياخيي مدحت...اول الامر تعلق عليهم جدك ثم بالتالي نصيحة ياهي جامعه بين الوناسة والنصح..شي طيب والله..
الله يخليه لك ويخليك لها..

دمت بخير عزيزي مدحت..