[الفتى الفيلسوف]

(( ليـــــــــلـــــــــى والذيــــــــــب بالقصيمي ))

يلا نبدأ

بسم الله الرحمن الرحيم

كان فيه بنت (ورعه)
اسمها ليلي ارسلتها اميمتها تروح لجدتها وتعطيها سله بهاااا
مطازيز_ كليجا_ سمن_ حليب نياق
قالت لها لاتروحين مع طريق الخط السريع روحي مع خط طريق خط خريص قالت البنت انشاء الله
راحت ليلي وهى بالطريق شافت قعراه وقامت تلاحق القعراه لين ما دخلت مزرعه تسبيره وهي تلاقي كراث قامت تاكلواه وتدغر(تارع )
ويطلع عليها الذيب قال وش تسوين قالت اكل كراث
قال وش اسمتس قالت ليلي قال من وين قالت من بريده قال وين رايحه لوه قالت رايحه لجدتي بعنيزه
قال وش معتس قالت معي:
مطازيز_ كليجا_ سمن_ حليب نياق
قال منهو له قالت لجدتي المريضه قال مامعتس كراث
قالت لا قال اخذي لجدتس قالت جدتي تحب الكراث بجمع لها وقامت ليلي تجمع حزمه من الكراث
مير يستغل الذيب الفرصه ويورح لبيت جده ليلي
ويفتح الباب وهو يلقي الجده نيمه وهو يقوم ويبلع الجده ويوم جت ليلي ولا الباب مفتوح
قالت وراه الباب مفتوح هاو ياكافي
قالت به احد او مابه
الاشافت الجده منجطله علي السرير
قالت جده وراتس تسذاا قالت فيني ماغص
جده وراتس تتنفسين بسرعه قالت ضايق صدري
قالت جده وراه خشمتس تسبير قالت عشان اشم
قالت جده وراه عيونتس تسبيره قالت عشان اناظر
قالت جده وراه حلقتس تسبير
قالت على شأن اكلتس
وهو يقوم الذيب ويبلع ليلي وتصرخ ليلي ذيك الصرخه اللى خلت الصياد يفزن من نومه
ويقوم الصياد السنافي ويقول لــــــــبـــــــيــــــــــــــه


طالب الفزعه قال في خاطروه اكيد انها ليلي ويروح لبيت الجده ويلقى الذيب نيم وبطنوه منتفخ ويقوم يأخذ السكين ويشقلوه بطنوه
ويطلع الجده وبعدين يطلع ليلي
قالت ليلي جده (زمن زمن)
وهو يقوم الذيب ويلقي بطنوه مشقوق
قال: وراه تسذا وهـ بس يـا ربيه الشره علي اللى ياكلكم
قام الصياد ويحط البازوكه في راسه الذيب يبى يذبح الذيب
قالت الجده خله خله عشان خاطري معاد يعوده
قال الذيب والله معاد اعوده وهج الذيب
وقامت الجده وزمت ليلي
وتغدوا المطازيز وشربوا الحليب واكلوا الكراث
وانتهت القصه

انشاء الله عجبتكم

[$مــمـــيــــز$]

ههههههههههه

والله ابدــــــاعـــــــــــ


وتقبل مروري ..

[الفتى الفيلسوف]

مشكور المميز
على مروورك اخوي

[ذكر]

ههههههههههههههههـــ

حلوهـــ

[فتحيه]

ههههههههههههههههههههههههه
والله أني ضحكت على الكلام القصيمي خخخخخخخخخخخخخخخخخخخ

ياحلوه من قصه

[ابريه]

ههههههههههههههههههههههههههههههههههههههههههههه ههه
مووت

[حورية بريدة]

هههههههههههههههههههه