 |
|
|
|
|
29-05-2008, 02:08 AM
|
#1 |
|
Registered User
تاريخ التسجيل: Jun 2007
المشاركات: 1,897
|
حذفت اوراقهم بوجوههم الله لا يربحهم
اليوم الاربعاء وبعد معاناة
تحويل من مركز صحي الى اسعاف لقيت ناس سعوديين يتعلمون في مراجعين الاسعاف د سعودي ودكتور مصري السعودي يقول للمصري هذا ثاني يوم دوام لي هنا الدكتور المصري يرد عليه هذي احسن مدرسة تتعلم فيها لا تعليق الحوار بالانجليزي ويحسبون ما احد يعرف عنقريزي غيرهم !!!! لا ولغتهم مكسرة خخخخخ المهم الرجال قصدي الدكتور السعودي مدني على ظهري وقال ارفع رجلك تحس بالم قلت لا قال مافيك عرق نساء هذا الدكتور السعودي يقوله قلت الله يبشرك بالخير اجل وش العلة قال لازم ناخذ اشعة علشان نشوف المشكلة وش هي قلت اوكي معاك معاك رحت للاشعة ومشوار من أمه بآخر المستشفى وانا يقال لي تعبان !!!! طيب رحنا الاشعة ونفس الشي مدوني على الطاولة والمعزب سعودي لابس ثوب ومعاه متدرب عليه بدلة وهم بعد سعودي وقعدوا يقلبونن ويقول له تسذا وتسذا واسحب الشريط وقرب وارجع ومد وسالفة آخر شي طقت تسبدي وغمضت عيوني وارخيت جسمي علشان يعفطون على كيفهم خخخخخ صبرنا شوي ماقصروا جابوا الصور بسرعة رجعت للدكتور الفيلسوف السعودي حط الصور على اللمبة وقام يلمس بالصور ويحرك يدينه يعني اني اعرف منظر يفشل قلت له هاه وش رايك قال كل شي تمام هذا الخط وهذا الخط وقعد يشرح لي كانه يدرسني شكله يكرر الكلام اللي اعطوه بالمدرسة قصدي بالجامعة قلت له طيب انا تعبان الحين شف لي مسكن على الاقل وبعدين سو اللي تبيه قال لا ما اقدر اعطيك لين اعرف السبب قلت اوف وخر عنه ياولد بيعرف السبب راح يدور على دكتور سوداني بلحية والدكتور يتدلع ياما راح ياما جاء آخر شي رحت وسحبت السوداني وقلت له تعال شوف عظامي مضبوطة او لا ودخلته العيادة بس الدكتور السعودي كان عنده مريض غيري وسويت روحي مؤدب ومادخلت المهم السعودي مسك في السوداني يساله عن حالة اللي عنده والله حالة والله بربسة المهم ناظرت الساعة واذا هي شوي وتصير 12 الظهر قلت لا بوكم لا بو اللي شغلكم عيالي يحتروني عند المدرسة طلعت وخليت قشي عندهم وقلت بنفسي مايليلها الا العيادات التخصصية امحق من عيادات وينك ياوزير !!!!!! المهم بعدها بكم يوم رحت للمركز وقلت له السالفة وقعد يضحك وقلت له اني رحت للصيدلية واعطيت روحي ابرة بالعضل مسكن ومنة الله ولا منة خلقه اشوى ان الشرطة ماشافوني كان قالوا يتعاطى مخدرات وقفت ورى الصيدلية ونزلت !!!!!! ووينك يالعضل حسبي الله عليكم قلت لدكتور المركز اعطني تحويل للعيادات مادام هذي السالفة ما قصر اعطاني ورحت للعيادات وبرضه سوداني ماسك محل مدير العيادات حولني لحقين الكروت واشوى عندي ملف كان علوم وسالفة طويلة خلوني اقول لكم سالفة الملف قبل ما اكمل عندي ملف بالتخصصي منذ مبطي ومليان اوراق يعني تاريخي المرضي كله به الجماعة ضيعوه رحت اراجع محل الملفات والقاهم معبين الملفات بكراتين خخخخ اقسم بالله تخلف تخلف وتلوموني سوو لي ملف جديد بقراطيسه قلنا ماشي ارجع مرة ثانية للسالفة والخبل ما ينسى سالفته هههههه اقسم بالله شر البلية مايضحك اعطوني موعد وخلال اسبوع عقب ماقلت له اني تعبان وماني قادر اقعد والتهاب حاد بالمفاصل الخ موعد باسبوع معقول غريب والله غريب الموعد ياحلوين كان اليوم الاربعاء خلوني اقول الموعد علشان يعرفوني الساعة وحدة مساء يعني عقب الظهر وبهالشموس قلنا مو مشكلة اجيب الولد معي من المدرسة شكلي ماراح اطول مادام انهم محددين بالوقت الساعة وحدة مساء كثر منها اقول !!!! وصلت وحدة الاربع قلت لازم ارز وجهي علشان يعرفون اني ما تأخرت دخلت صالة العيادات واذا هي مليانة والكاونترات فاضية ماحولك احد حتى الصيدلية صاكين درايشها يعني ايش احنا مصلين في الدمام وجايين لهم معقول كل هذي صلاة ولاحظ مابعد جاء احد صبرت شوي طقت تسبدي واروح لآخر الصالة واذا في آخر الممر شباك وفيه واحد فرحت لقيت واحد اهرجه رحت له واعطيته الاوراق مادريت الا وهو مشغل مكينة مثل حقت الكاشير وعطاني رقم 7 قلت وشو هذا قال هذا رقمك قلت يعني الدعوى سرا قال ايه قلت وشلون كاتبين الساعة وحدة قال لا هذا يعني عقب الظهر خخخخ حلوها قلت له المفروض وحدة يعني وحدة وكل واحد وله موعدة بس انت مسوينها من سبق لبق اقسم بالله قال لي اي وحدة الله يهديك الدكتور اصلن مايجي الا وحدة ونصف قلت له بالله عليك قال هذا اللي حاصل قام وجهي يتقلب احمر اصفر ازرق اخضر هو قهر هو حقد هو برود هو لعنة تلعنهم حذفت الورق عليه بالكرت بالتحويل بالفحص برقم السرى وقلت مايلزم الله لا يربحكم وعسى ربي يشل اللي كان السبب وكم سبة بس ماتنقال وخذت ولدي ورحت للسيارة عيادة الاسنان مواعيدها رهيبة بس عيادة العظام والعيون خرطي وماحولك احد الغريب ان جههة مثل هذي يفترض تكون اكثر الجهات انضباطية كلهم دكاترة وماجستير وبكالريوس وينك ياوزير وينك يامدير جعلكم للي انتم خابرين احنا في القرن العشرين يامتخلفين البترول وصل فوق المية والثلاثين واحنا للحين نحتري مكرمتكم وتزهمون علينا علشان تلبيسة اسنان حسبي الله ونعم الوكيل حسبي الله ونعم الوكيل حسبي الله ونعم الوكيل حسبي الله ونعم الوكيل ووينك يالمستشفيات الخاصة والله يعين وان شاء الله يشوفونها بانفسهم وعيالهم |
|
| الإشارات المرجعية |
| أدوات الموضوع | |
| طريقة العرض | |
|
|
النمط الأحادي