[قبل الرحيل]

بسم الرحمن الرحيم

صورتها لك كأنك تراها صورا حقيقية
قصتي مع اختبار الكفايات
بداية المشوار من القصيم عصر الأحد
وصلنا العشاء وعنينا من الله الخير
ويوم صار بعد صلاة العصر مباشر جهزنا الزاد من أجل المسير و البحث عن موقع الاختبار وركبنا الراحة أنا وصديقي متوكلين على الله بحثا عن موقع اختبار الكفايات و قبل الرحيل و الوداع المر من ضيفنا سألناه عن مكان الاختبار و هو من سكان الرياض له قرابة 18سنة وله خبرة في المنطقة أين شارع العريجاء فقال تمسك طريق مكة أو طريق الدائري فقلت في نفسي "سبحان الذي سخر لنا هذا و ما كنا له مقرنين و إنا إلى ربنا لمنقلبون الله هون علينا سفرنا هذا و أطو عنا – اختبار الكفايات - بعده اللهم أنت الصاحب في السفر و الخليفة في الأهل اللهم إنا نعوذ بك من وعثاء السفر – فلو تشوفون و ين موقع الاختبار لقلت شوي الحديث بحقكم بل اقرؤوا دعاء الهم الحزن والكدر ودعاء الظلم و دعاء التيه في العاصمة فاللهم لا حافظ إلا أنت سبحانك – وكآبة المنظر وسوء المنقلب- ولو رأيتم وحنا قادمين للقصيم حرسها الله من كل باغ و مغتصبي وقِلّت ثقه بأهل القصيم من ..... ما فيها اختبار كفايات
ويا رحمتي من اللي جاي من حائل و غيرها - في المال والاهل
ومسكنا الدائر الشرقي على الدائري الشمالي على الدائري الجنوبي
تصدقون يا ناس ندور شارع العريجاء عجزنا نحصله سألنا خوينا قلنا مسكنا طريق مكة قال لنا امشوا لمكة اختبروا هناك فقلت لو فيها اختبار بالمريخ رايحين رايحين
ولو يلخبطونا حتى بالوصف لقينها لقينها
ويوم وصلنا بعد قرابة ساعتين باللموزين قال هذي هي
نسأل عن المدارس العروبة لا عبرها الله قالوا صارت مدرسة باكستاني و اللي قال فلبينية قلت وش السوات يا ناس هذا هو الوصف قالوا ما ندري
واسأل 2 من اللي جاين يبون يختبرون قالوا هنا قلت بنفسي وين الناس عموما ما ارتحت بحثت سألت قالوا إنها نقلت لمكان أعوص من هالمكان قلت وراكم وراكم وين ما رحتو
ويمين ويسار وسؤال من هنا لفت من هنا حتى لقينا الخرابة المرممة صارت جديدة مع احترامي لكل من فيها
ثم دخلنا قالوا الاختبار بعد المغرب قلنا سم جلسنا أذان المغرب لو رأيتم الجموع هم يصلون و يسألون الله الثبات عند اللقاء و انتهت صلاة الغرب
يوم قمنا قال أحد الشباب يا ناس اللي يبي يجمع معنا صلاة العشاء
ثم كبروا فما أكثرهم
وو الله إني رحمتهم يا أعزائي القراء
رحمتهم نعم حتى كادت العبرة تخونني اسأل عن القلوب الرحيمة اللي جالسة على كراسي هالدوار - حتى ينظرون لهم نظرة رحمة- وإصدار هالتعاميم و بيوتهم بجنب الوزارة أو حولها و هالمساكين منهم اللي متزوج واللي بار بوالديه و ما لهم غيره سافروا وهم يكفكفون الدمع ما يدرون هم يرجعون و إلا يموتون بحادث
واللي تبنى التعميم كيف لو إنه ولدك كان ضربت للتعميم ألف حساب و إن قلت حتى لو كان ولدي أقول لو إن هان عليك ولدك ما هان على الناس عيالهم .......
ثم دخلنا الاختبار بدأ شرح طريقة الاختبار وبدأنا الحل
أما الأسئلة ما أدري من أين أتوا بها أقول مرة من أرسطو ومرة الفلاسفة في العصر القديم مرة أقول أفلاطون له اهتمام المهم هالأسئلة ما أدري كيف أتت
كلها عن التقويم وما أدراك ما التقويم شكلهم في أحد من أعضاء الوزارة متحمس لهالتقويم ........
لوكانت الأسئلة مستقاه من سيرة النبي صلى الله عليه سلم في تربيته لأمته لكفى نحن لا نريد غيرها هذا فهو الذي لا ينطق عن الهوى صح و إلا لا يا أصحاب التقويم
و إلا وش تقولون يا ناس؟؟؟؟؟؟
أما القادمين للاختبار ما سمعت أحد إلا والكل يشكي
المكان
اللي سبق لهم اختبروا
الوقت
المهم كلٍ يشكي ما فيه أحد يحمد
إلا أنا أشكر واحد يقال له اليوسف كان يحينا جبرا لخواطرنا ويخاف نتـنرفز عليه
و خرجنا من الاختبار10:00تماما و أنا أكاد أفقد توازني 155سؤال لو إني أبدرس ابن سينا وإلا ابن تيمية و إلا ابن حيان
وبطني لا تسأل عنه من المغص
و خوي حسران يبحث عن دورة مياه في مدارس العروبة لا عربها الله أخيرا حصل دورة المياه بس ما فيها ماء
قمة المعاناة يا ناس
خرجنا ندور الدائري طريق القصيم نمشي ما ندري وين متوجهين شمال وإلا شرق
المهم خرجنا وأخذنا عشاء من ماما سارة
ووصلنا القصيم مع آذان الفجر
ولا تسأل عن التعب و الأرق اللي أصابنا
و أبشركم ما فيه ولا حادث على الطريق

صورة لخادم البيتين الملك / عبد الله بن عبد العزيز آل سعود
صورة لمحب القصيم ولي العهد/سلطان بن عبد العزيز آل سعود
صورة لوزير التربية و التعليم د/ محمد بن صالح العبيد
صورة للمسئولين عن اختبار الكفايات
صورة للقادمين للاختبار
صورة لوالدينا و أقاربنا حتى يرحموننا
صورة لحقوق الإنسان في أمريكا
صورة لمدارس العروبة بالرياض
صورة لكاتبها في منتدى بريدة ستي / قبل الرحيل
صورة للعضو في منتدى بريدة ستي / أبو ربا