[بدر بن عبدالله]

السلام عليكم:
أخي صاحب سيارة مسروقة الحمد لله إن خويك سلم منهم، والله يعين اللي يطيح بأبو كراثـتين<< يعني شرطتين
يصير توه متعين وشايف روحه والله من زين الأخلاق، المشكلة إنك ماتقدر تتفاهم معه ( تفقع وجهه) لأ نك
تبي تدخل أبو زعبل، ومثل ما قلتوا الضباط أغلبهم ناس فاهمين متعلمين والله مرة دخلت بمرور الشرق
بالرياض على عقيد أبوقع وأول مادخلت قال لي سم آمر وش أقدر أخدمك فيه قلت الله لا يهينك نبي تشخط
على الورقة بس قال لي بس أشخط لك على الورقة وقال لي أنت تأمر أمر ويوقع لي على الورقة ويوم عطان
الورقة قال لي سم قلت له الله يجزاك خير وطلعت من عنده، لكن تعال لمكاتب الأفراد وشف النفسيات والأخلاق
الشينة ما يكلمك إلا من طرف خشمه على وشو ما أدري اللي يشوفه كنه ( فريق ركن) وهو..........
الله يهديهم ويهدي المسلمين أجمعين.
مع تحيات: كربة النخلة.
والسلام خير ختام.