[دريم]

انتشر هاليومين بالكشكول مواضيع إعتذار و مجاملات
و يصاحبها أبيات مكسرة و مجبرة و حالته حالة
عاد أنا قلت وشحيتهم ! وش ناقصن أنا ؟ خل أنزل موضوع زيهم ..
بس المشكله إني مؤدب وما أخطيت على أحد حتى أعتذر منه !!



فكرت قلت أغدين أغلط على أبوسر زيي زي غيري مثل حفيد عقيل و الفارس ..
و أدبغه و أفقع وجهه
همن أعتذر له بموضوع ,, همن هو بكل بساطة يبي يسامحن
شفتوا إن عيال ستي على طول تكزهم بكلمتين و يصدقون !

وهـ بس من حبهم << يقلد الخفاش
بس جت لي فكرة أحسن و هي إني أجدد و أبخلي الموضوع (( عتاب )) !

نخش بالموضوع و الله إن أبتل أقرق
طيب وشلون أبدأ

مشاكل !!



من المتعارف لدى الجميع , أن الإنسان كلما إزداد عمراً ؛ كلما كان من الدنيا زاهد .. و من العبادات زائد ..
ومن يرى حال الطاعنين بالسن .. يجده يقضي جل وقته بين مصحفه و سجادةِ صلاته ..
فروضة المسجد مجلسه !
و القرآن صاحبه ..
و الصلاة أنيسه ..
و ذكر الله حديثه ..
و المسواك طعامه << و الله من زين الهرج

خلاص أبجعفه للعامية ماش ما أعرف للحاجات الفصحى

أقولكم ..
و الغريب إنك تشوف واحد كبير و شايب و حالته غير !
يعني كل مايكبر .. كل ما ينهبل زود !
و بعض الشيبان إذا صار عمره 70 يعرس على وحده عمره 20 !
أو تلقى بعض الشيبان يروح يصبغ شعره , و يحط سكسوكه !
و هو وجه متعرعر !!
و هذي اللي يسمونه حمى التصابي !

مره و أنا قاعد أتصفح المنتدى طحت على هالموضوع يبيّن كلامي السابق !
و بالمثال يتضح المقال !




http://www.buraydahcity.net/vb/showthread.php?t=123152


زي ماشفتوا !
هذا حفيدوووهـ قاضي آخر عمره بالنت يالله حسن الخاتمة !
لا بعد و يتفاخر و كاتب موضوع بكل ثقه


الصراحة عقب ماقريت الموضوع حز ّ بنفسي و كتبت هالأبيات



[POEM="font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يااللي سموك حفيد و أنت شايب=هم سموك بالسم و ماهم سموك
صدق إننا في زمان العجايب=و إلا كيف شايب يدخل البالتوك
يالله ياللي تعطي كثير الوهايب=ارزق شايبنا من الذهب المسبوك
و اختم له بخير و جنبه المصايب=واصلح اللي للنت هم دلوك [/POEM]



طبعا ً ميزة أبياتي أنها لاتتقيد بالوزن
يسأل سائل و يقول لماذا !
الجواب : لأن الأبيات الموزونة تلحن و تنشد و تغنى
أما الأبيات التى لم توزن لا تلحن و لا تغنى ..
مشان هيك أنا أخاف تطيح هالأبيات بيد مغني همن يغنيهن !
همن يصير الإثم علي ,, لذا كسرت الأبيات عنوة لأجل هذا السبب

<< أقول ترى الموضوع قضى مصدقين أنتم إلى هالحين تقرون


الصراحة هالموضوع إحترت وين أحطه !
بأول شي قلت مايصلح له إلا الساحة المفتوحه
لأني كاتب أول الموضوع باللغة العربية
بس ماش القلب مايبي إلا أنتم

حفيد عقيل
بوسة على خدك و ايدك و راسك