[ابو ريان الرياض]

السلام عليكم ورحمة الله وبركاته

انا ياحبايبي ابي أنقل لكم موقف صار لي قبل اسبوع تقريباً
طبعا كنت في أحد الدور الاجتماعيه الي تحتضن فئه معينه من أبناء هذا البلد الذينا يحتاجون رعايه خاصه .

المهم كان الوقت بعد صلاة العشاء وكان هناك نشاط رياضي احد ابنائنا الطلاب طلب الاستئذان مني لي يقوم في عملا ما . طبعا اذنت له وبعد أن ذهب .
فجئه الا بعض زملائه الطلاب ينادي علي بالمناسبه اسم الطلاب سعود يقلون سعود واقف لا يتكلم مع احد ولا يرد على احد ذهبت للطالب اكلمه مايرد علي الحقيقه بيني وبينكم شكله اثار الرعب فيني حتى اني يالله اقف على رجليني بس الحمد لله تماسكت ولا بينت الشي هذا لزملائه . اخذته وذهبت فيه للمسجد قرأت عليه طبعا للاسف انا لاجيد القرائه على احد جلس تقريباً ربع ساعه يناظر للسماء وعيونه مفتحه للاخر . بعدها الحمد لله رجع لوضعه الطبيعي . رجع يتكلم معي قلتله سعود وش فيك وش صار معك قال تعال ابيك تروح معي قلت وين قال الحين تشوف طبعا رحت معه ونا والله اني خايف بس وكلت امري لله وقلت لا يصيبنا الا ماكتب الله لنا . المهم مشينا الا والله ذيك البسه السوداء الي قابلتنا وبعدها صرخ الطالب صرخه الله لا يوريكم و قالي هذي ياستاذ قلت وش قال البسه تكلمني وتقولي لا توذي عيالي فكني من شرك طبعاً انا ما بين مصدق الموقف ومكذب بس الطالب هذا جدا اخلاقه عاليه وقتها مافيه مجال انه يمزح ولا يكذب سميت عليه وقلته اقر وردك وتعوذ من ابليس وبعدين اخذته للطلاب . المهم الطالب هذا جلس كم يوم ما ينام وطلب مني طلب اني ماقول لاحد من زملائه ولا من زملاء العمل الي حصل له وطلبت سبب اني ماقولهم رفض بشده .
طبعا انا ابي منكم وش تنصحوني فيه الله يجزاكم خير والله اني مهتم في أمره .

دمتم بخير .