 |
|
|
|
|
01-04-2009, 07:22 AM
|
#1 |
|
عـضـو
تاريخ التسجيل: Mar 2009
المشاركات: 142
|
سواليف المتزوجين
زوجين متدينين
الزوج : إني أحبك في الله الزوجة : وانا بعد أحبك في الله استغفرالله من كل ذنب عظيم >>> تحسف الزوج : بكل صلاة ما أنساك من دعائي الزوجة : بارك الله فيك وجزاك الله خير الزوج : شكثر تحبيني ؟ الزوجة : عدد ما غرد طير وطار وتعاقب الليل والنهار ودعا داع في الأسحار الزوج : الله يا سلام على هالكلام ذكرتيني بليالي رمضان الزوجة : متى نروح العمرة ؟ الزوج : قبل أسبوع كنّا في العمرة !! الزوجة : اجل نغير نروح المدينة الزوج : على بركة الله قبل لا يقومون من القهوة الزوجة : أبا عبيدة الزوج : نعم يا أم عبيدة الزوجة : دعاء كفارة المجلس>>>>> ( كله حب شكت أم عبيدة) الزوج : سبحانك الله وبحمدك أشهد أن لا إله إلا أنت استغفرك وأتوب إليك (2) زوجين صايعين الزوج : تصدقين ما حبيت وحده كثرك الزوجة : وانا بعد حبيت بس مثلك أبد ما حبيت الزوج : انتي خليتي حياتي كووول الزوجة : وااي انت ستايل وتهبل تشبه توم كروز الزوج : تذكرين أول مرة شفتك فيها وين ؟ الزوجة : اي كنت أقزقز مع حصة بالعليا الزوج : الله كان أسعد يوم بحياتي الزوجة : شكثر تحبني ؟ الزوج : كثر جمهور نادي االنصر الزوجة : ترى ذبحتني بنادي النصر يحومون الكبد الزوج : يا عمري انا أشجع نادي االنصر عشان لونهم يذكرني بضروسك الزوجة : اجل تدري ليش أنا أشجع نادي الاتحاد ؟ الزوج : ليش ؟ الزوجة : عشان ريحة البصل تذكرني فيك >>>> وش دخلهم الزوج : الله عسل عسل دمك شربات الزوجة : قم قم قبل لا أقط الرقم على اللي كاشخ وراك (3) زوجين أغبياء ودمهم ثقيل الزوج : يا حيالله أبو الوجه الصبوحي .. أبو الوجه الصوبوحيي ييي يييي الزوجه : لا تذكرني بلندن نفسي وودي أسافر لها الزوج : ليش لندن ؟ الزوجة : هذي مو أغنية عبدالكريم اللي صورها بالـ هايد بارك الزوج : والله ما أدري بس يسويها عبدالكريم عبدالقادر الزوجة : ودي أروح لندن وأنت معاي الزوج : لا والله الزوجة : شفيك علي اليوم الزوج : يعني مع من بالله .. العادة تروحين مع السايق مثلا ؟ الزوجة : لا مو قصدي السايق .. بعدين احنا ما عندنا سايق شلون أروح معاه ؟ الزوج : اللهم طولك يا روح الزوجة : خلاص خلاص غير الموضوع الزوج : حبي لك ماله حدود الزوجة : الله وناسه يعني بدون جوازات الزوج : اي ذكرتيني .. أمس رحت دوار الجوازات بجدد جوازي ما لقيت أحد الزوجة : يا حظي مو بدوار الجوازات الزوج : مو انتي ذيك المرة قلتي سويتي حادث وودّوك دوار العظام ؟ الزوجة : بصراحة مو متأكدة الزوج : تدرين إن لازم يسوون دوار بإسمنا انا وياك الزوجة : الله دوّار حبنا (4) زوجين ضغاط الزوج : تصدقين بيوم عرسنا كنت خايف بقوة ! الزوجة : انا كنت خايفه عليك بعد الزوج : كنت خايف أبوك يفشّلنا وينكب من البوفيه حق بيتكم الزوجة : نعم نعم ؟ الزوج : أمزح معك وشفيك ! الزوجة : اجل ما شفت أمك وهيا تعلك خفت عليها يطيح حنكها الزوج : عاد ما أرضى على أمي الزوجة : حتى انا ما أرضى أبوي الزوج : أخوك الكبير بأي محل خيام مفصّل ثوبه ؟ الزوجة : يمكن بنفس المحل اللي فصلت فيه أختك مو متأكده الزوج : تذكرين خالتك لابسه كعب ثلاث طوابق الزوجة : اي تذكرت لما كانت واقفة جنب خالتك اللي حاطه حمره تقول شاربه شاني الزوج : تصدقين أحلى ما فيك بالعرس النفره اللي طالعه بجبهتك الزوجه : وااي انت تهبل بالشعر اللي طالع من أذونك الزوج : شرايك نمشي ونكمل سوالف بالطريق ؟ الزوجة : على راحتك حبيبي (5) زوجين شيّاب الزوج : انا بعرف الدكتور حقي ما يفهم غبي ؟ الزوجة : هوْهوْهوْ شفيك يا بوصالح أمس تمدحه واليوم تذمّه ؟ الزوج : يا ام صالح الدختور أثولْ ما يفهم وش عرفه ؟ الزوجة : ألحين صار الدختور ما يفهم ؟ صدق منكر حسنه !! الزوج : ما يدري إن هاللي قاعدة قدامي هيا علاج السكري والضغط وأمراض الدنيا >>> ناوي الشايب الزوجة : يمّه منك عيّار ما تجوز عن سوالفك يا بوصالح الزوج : انتي لو في منّك كثيركان حطوهم ابرّ للمرضى الزوجة : ذكرتني بأيام أوّل يوم تقص علي في بيت أبوي العود وتغازلني الزوج : آآآآه يا زينها من أيام الزوجة : انا كنت أطلطل من الدريشه وإلا أشوف هالحافي العصل المهتمل اللي دخل قلبي من أوّل نظررره الزوج : ايييي هذا انا عدل عدل .. في السكة مع عيال بن نخّي نعلب الدنينة الزوجة : وش كنت تسوي ما عاد أذكر شي ! الزوج : يوم أدز اختي الصغيرة تقولك تغطي وانتي طاقتك البوهه الزوجة : يا علّك وشقوووول ذكرتني ' إذا تلّيت حزامه تهلهلت عظامه ' !! الزوج : وانتي تقولين الدنينة وش هي الزوجة : شعرفني بالدنينة هوْ غصب ما عرفها الزوج : هذا اللي علقني فيك أكثر الزوجة : قوم قوم نروح يعطونك ابرة السكر الظاهر ارتفع الزوج : هذا جزاي اتغشمر وامزح معك الزوجة : يمه منك تسذوب (6) زوجين نكته الزوج : يقول في مدرس سأل الطلبة اللي غبي يوقف .. كان يوقف واحد سأله المدرس ليش وقفت ؟ قال ما حبيت أشوفك واقف بروحك يا استاذ الزوجة : يعني دمك خفيف ؟ اسمع : في مرة واحد دخل السلك الدبلوماسي تكهرب هاهاهاها الزوج : يخرب بيت البياخة اسمعي : كلب شوارع مر على مركز شرطة شاف كلب بوليسي قال : آآخ لو مكمل دراستي هههههه الزوجة : ترى صدق صج دمك ثقيل اسمع : في واحد قاعد يطق الدجاجة ليش ؟ الزوج : ليش ؟ الزوجة : يقولها كل يوم بيض كل يوم بيض ما في جبن .. هي هي هي الزوج : بااااااايخة اسمعي : في ولد عمره ثلاث سنوات قال لأمه الحامل وش ببطنك؟ قالت له : هذا أخوك الصغير .. الزوجة : هاهاهاهاهاها الزوج : لحظة ما خلصت يا الغبية !! الزوجة : اوكي الزوج : قال لها : تحبينه ؟ قالت له : اي أحبه .. قال لها : اجل ليش بلعتيه ؟ الزوجة : خلصت ؟ الزوج : يالله الحين الناس يضحكون منقووووووووووووووووووووووووووووووووول |
|
|
| الإشارات المرجعية |
| أدوات الموضوع | |
| طريقة العرض | |
|
|
النمط الأحادي