[ليلة شتاء]

ياشين لا صار لك جار غثيث وبلشة ويتلزق كلنا ندري عظم حق الجار بس بصراحة بعضهم ماينعطى وجه لزقة بجد لزقة وبلشة ياعندنا جار يحب يهرج كثير ويحب يتدخل ولو شاف عليكم زود شي سأل وش السالفة اليوم والله إضطريت أجلس بالمسجد وسبحت وهللت مرتين لمين قام وطلع لأني عارف لوطلعت أنا وياه أببلش فيه ويبي يتكي بسيارتي يالله عاد وش ينزله

مره ركب معي من المسجد وقال تكفى يابو فلان البقالة بس عاد البقالة جرت معها المغسلة والمكتبه وراعي اللحمة وصرت سواق عنده والله الرجال حنا وياه بالحارة من زمان بس ما ودي أخربها معه ,,,,,,,,,,,,,,,,,,,,,,,,,,,,,,,,,,,,,,,,,,,,,,,هذا بعض الشئ وليس كل شئ