 |
|
|
|
|
17-07-2003, 06:43 AM
|
#1 |
|
عـضـو
تاريخ التسجيل: Sep 2001
البلد: &^ ضراس المحتلة ^&
المشاركات: 3,476
|
= صورة أكبر قدر ،،، أدخل شفه قبل النثرية =
بـــــــــــ///ــــــم الله الرحمن الرحيم اللهم
حوالينا ولا علينا هذي صورتين لأكبر زدر يقولون انه يبي يحوفون النثرية الساعة 9 من يوم الاربعاء 23/5/1424هـ الموافق ليوم الهبس والأكل وضرب الاشواط والتغسيل بشجر البرسوبس الي بجنب الملعب ولا عطي الله هالمسبح بس عاد وش يبي يطولن الماء وانا رجالن لا بوبزت انتثرت هالنثرية وبعد يمكن أطيح همن عاد يربص بوكي وأضرب مشوار لمين آخر المسبح علشان أطلع همن عشاه ولاوه متخرط ،،، لا والله يا ألبي انك مانتب ملزوم ،،، الوعد مد ايدك على صندوق الهيلوكس سلمك الله وخذ من فاين هالمحطات هيك تو حبة صور    أقول عاد بالتفتر حق المهرجان كاتبينه بمربع صغير (( أكبر كبسة )) ما يدرون إني ملونن عليه بقلم فسفوري تحلفون اني مصري مأشرن على شيء مهم يبي يجي بالاختبار أهـء أهـء أهـء أنا ما أعزم العيال كلهم عاد انا ان حصلي وشافو جسمي قالو مير انت تعال اغديك تنسب اللحم أغدي مير هالحكاكة تصير هي المقلقل =+++ عاد ابقول لكم شيء والله ان تضحكون هالحين هالموضوع ذا تراي كاتبه صبح الخميس يعني لا وقت جوع ولا شيء ليته الظهر الواحد يقل أقل شيء يعني يا جماعة الربع احمدو ربكم اني ما كتبت الموضوع الظهر والله ما حد يطلع من الموضوع الا هو زالقن له عشر زلقات عاد تدرون وش زالقن به والله ما تطلع الا وانت شايفن دواوين هرج لامنك شفت هالزدر والله لا أكتب ملحمة ثناء على هالقدر وملحمة رثاء خوفي اني ما أجي آكل هالحين الكاتم يومياً أمسحه فيري وهو فاضي وشلون عاد ذا يبي ينتلي يالله مير انك تكافينا الشر وشر من به شر ابوآجر لي سطحة مير يشيلن عقب هكالرز ..،،، عاد انا والله ما أحلل هالي مدح لي وش يبي يصير يقول رزيز ولحيم وبلمات وقصدير <<== شكله سامعن ان القصدير يوكل وأيه الحروة ان مستشفى الولادة يبي يغسلون الحوشة من كثر الي يبي يدخلون عقب ذيس الليلة عاد هين انا حاجزن لي غرفة من هالحين قسم ولادة رجال أعد الليالي ليلة بعد ليلة ...... وقد عشت دهراً لا أعد الليالي آه ما أطولك يا ليل ،،، آآآه ياليل الضروس وينك يا 23/5 أنا أنطرك على أحر من الجمر :D:D:D عاد مدحت موقفن المازدا عند الباب ويالله خذ يا تحميل لحم ...،، فشلتنا يا الثور المصري تقبلوا فائق الهرمونات الناتجة من جرّاء رؤية القدر واللعاب المتراكم على أحضان براطم الدببه و/ـ/ـ/ــــــــــــلامتكم :D:D 
__________________
 آخر من قام بالتعديل سعفة; بتاريخ 17-07-2003 الساعة 06:46 AM. |
|
| الإشارات المرجعية |
| أدوات الموضوع | |
| طريقة العرض | |
|
|
النمط الأحادي