[ساقي]

قالت قصيمي قلت فخر ومعزّه ======== أهل الفخر والعلم والحلم والباس
قالت قصيمي قصدها بي تهزّه ======== ما تدري اني بافتخر وارفع الراس
الحمــد لله روسنا دوم رزّه ======== اللي خلقنا بس نحني له الراس
صافي نسبنا والحسب فيه عزّه ======== اصل أصيل وفصل والعرق دساس
أهل الوفا والدين صــافي منزّه ======== عن كل ما شاب العقيد من ادلاس
حنا العقيلات انشدي رجال غزّه ======== حنا هل الدنيا وللدين حراس
حنا سنايد نجد في كل حزّه ======== لا خانت حلوق الرجاجيل الأنفاس
حنا جبال يعجز الريح هزّّّّه ======== حنا لنجد حزام وعصابة الراس
نارد حياض المرجلان ونلزّه ======== ما نمشي دروب الرذيلة والادناس
من يغلط لسانه علينا نجزّه ======== واللي يحقّر قدر الرجاجيل ينداس
منا العدوا تكفيه بالعين خزّه ======== يقضي عليه الخوف مع كل هو جاس
من ذكرنا في قلبه تثور نزّه ======== من طاري القصمان يبلاه وسواس
نومه كوابيس وروعه وفزّه ======== دقت نواقيس الخطر له والأجراس
وان هو لقى له من علينا يوزّه ======== هوّن له الصعبات وإبليس خنّاس
ما يدري انه للمهـالك يدزّه ======== عجّل على مبناه يمحى من الساس
يا بنت حنا من نخــانا نعزّه ======== يامن بنا الملهوف وتهابنا الناس
مرســولنا للخير دايم نكزّه ======== ولصرخة المحتاج نرخي بالأكياس
تاريخنا مجــد لبسناه بـزّه ======== نمشي بوسط السوق ماندحم الساس
لك ما تركنا بكاس الأمجاد مزّه ======== واجد عليك ومثلك حثالة الكاس
وش جاب حـر الطير لفريخ وزّه ======== من هو يساوي جوهر الماس بنحاس
لا تحســبين انك لنا مستفزّه ======== وش ياخذ الباعوض من ريش قر ناس


مع السلامة