[مدحت شوقي بريده]

سي يو ...

هلا بالشباب ... انا عارف انكم مثلي .. تعيشون نفس المعاناة ..
معانااااااااااة اظن انه من قديم الزمان والمكان.. وكل شي فيه آآآآآآآآآآن ..

معاناتنا هي انك اول ماتجي من عزيمه ...
تلقى امك او خواتك يحترنك عند الباب ...
والثقيله منهن تحتريك بالصاله ..

وما أن ( تدلف ) رجلك الباب ... الا وانت من يد نشيطه لأنشط ..
تعااااااااااااااااااااااااال ...
حاجراتك حجرعند الباب وكل وحده معه ورقه وقلم وتسجل ..
وياويلك لو ماتجاوب .. يقولن لك .. ياكاااااااااااافي بس ودنا نشوف ..
وانت نصك نوووووووووووم ... ودك توقفهن عند الدرج ..
وتخقلهن خقل كل وحده على غرفته .. وقلهن .. من اصبح افلح ..

ويبداء المؤتمر الصحفي معك ...
هااااه قلنا وشلون عزيمتكم ( اياوالله سؤال )
وشوا عشاهم ؟؟؟
كم اللي جوا ؟؟؟
حاطين لكم حلى مع القهوه والا لا ...
وش نوع الحلى ..
بيتهم كبير والا صغير ...
حاطين بيبسي والا مقاطعين ( هذي اللي تصير مطوعه )
وش سواليفكم ..
وش حاطين مع السلطه ..
وش نوع الحلى اللي عقب العشاء ..
وانت تبي تآخذ نفس وماتقدر ...

واذا بغيت تقهرن عطهن اجابتين وقل الباقي بكرى الصبح ..
عاااااااااااااااد صفقن اذ جاهن النوم ..
قسم ان يصبحن الصبح وهن يحترنك .. واقفات عند باب غرفتك ..
مأساة .. اللي نايمه وهي واقفه واذا صارت طويله تلقاه منعفطه ..
واللي جالسه وورقته بيده مليانه سعابيل ...
واللي تصيح .. لأنه حسرانه ووده تروح للحمام .. بس تخاف انك تطلع وماتشوفك ..
وحالتهن حاله ( اللهم لاتجعل الشرافة اكبر همنا )
(((((( ياربيه يالشرافه .. مايخلنه الحريم ... ))))))

لكن اذا تبي تفتك قل لهن ... ضيعت بيت اللي عازمنا ومادليت وريح نفسك ..
واذا دخلت لقيت الشايب معه الرادو ويسمع لندن ..
ومايسألأك الا سؤال واحد وبس ..
طفيت لمبات الحوش والا لا ؟؟؟ ( هالشياب .. اهم شي الدراهم )

طيب سؤال يسدح نفسه ..
هل تعاني مثلي هالمعاناة والا لا ...

اجيبوا بصدق ونزاهه وحريـــــه ..
سي يو ..