[د / ماسنجر]

اتصَلَت ..
وقالت : أن القصة كذا وكذا وكذا ..
حَزنْت ، بعد ما طلبَت أن أنثر قصيدة لها على لسانها ..
استخدمت المعاني اليسيرة في الأبيات ..
نظراً لأن المرأة كبيرة بالسن ، وحتى تسير على ما تسير عليه ..

وكانت :

[POEM="font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أمانه كيف ترضى إنّك تخلّيني = وتتركني وهموم القلب تشقيني
وما تدري بأنّ الفكر بك يسلى؟ = وما تدري دموعي فوق خدّيني؟
نسيت الماضي يوم إنّك صغير السّن = وآنت أحلى الأماني في وسط عيني !!
إلا أقبل ظلام اللّيل ناديتك = وضمّيتك وسط صدري بيدّيني
نسيت إنّك تنام بوسط مرقادي = ويوم تقول : يمّه حيل ضمّيني !!
إلا شفتك حزين وضايقٍ صدرك = يضيق البال ويحزن كل ما فيني
وإلا شفت آبتساماتك على وجهك = أقول : الله يسعدك ويهنّيني
كبرت وصرت رجلٍ آتمسّك به = ومن ما يجرح الخاطر تداويني
وفي ليله حكيت وقلت يا يمّه : = أبي بنتٍ أسلّيها وتسلّيني
وقلت آبشر وآبدوّر لك أحلاهم = و ياخوفي بعد عرسك تجافيني !!
وقلت : إنّي أبد ماني بمتغيّر = آببقى مثل ما كنتي تعرفيني
وجتك البنت مثل ما أنت تتمنّى = وكنت آخشى حقوقي ما توفّيني
ويوم العرس كلّ الناس فرحانه = وأنا أفراحي دمعاتٍ تخاويني
وسافرت آتّونّس أنت وإيّاها = وأنا وقتي قضى مابيني وبيني
وبَعَدْ ما آنتهى شهر العسل ألفيت = وقلت : أهلاً هلا باللّي يراعيني
ضحكت وقلت يا يمّه خذي هذي = ورودٍ لك قطفته من بساتيني
بداياتها وفيت بوعدك الأول = آببقى مثل ما كنتي تعرفيني
بَعَدْ مدّه جلست وقلت يا يمّه : = آبي آطلع وما ودّي تردّيني
وقلت : إني أنا وافقت يا وليدي = ولكن آنتبه تنسى عناويني
وآقفى زولك وحزني بدا يلفي = وأحزاني بدت تكوي شراييني
وآنا بين أربعة جدران آسامرها = سواتٍ منك سوّيته تبكّيني
تعبت بتربيتك وإنت ما تدري = ويوم إنّك كبرت الحين تعصيني!!
تعبت أدوّر لخاطرك آجملهم = جزآي إنّك تصير اليوم ناسيني !!
ومنّك مابقى إلا الورد يوم إنّك = تجيبه لي بعد عرسك وتهديني !!
عسى ربّي يهنّيك ويهنّيها = وتراني راضيه مابيك ترضيني
( قبل تنسى ترى الجنّات يا وليدي = قبل تنسى تراها تحت رجليني )[/POEM]

بريدة 21 / 4 / 1428 هـ

فلما انتهيت منها ..
اتصلت عليها بعد أن قمت بتسجيلها بلحن حزين ..
ولما سمعتها بكت ، وبكت ، حتى أغلقت الهاتف فجأة ..!
وصلت تلك القصيدة إلى ابنها ..

والآن : اسأل الله أن يطيل في عمرها وأن يرزقه برّها ..

( القصيدة هُنا ، في زوايَا )

تقديري ووافر وُدّي ..
د / ماسنجر