 |
|
|
|
|
|
||
| ســاحـة مــفــتــوحـــة المواضيع الجادة ، والنقاشات الهادفة -- يمنع المنقول |
|
|
أدوات الموضوع | طريقة العرض |
22-02-2004, 05:01 PM
|
#1 |
|
عـضـو
تاريخ التسجيل: Sep 2003
المشاركات: 139
|
لعنة الله عليك يانعمة!!!
بسم الله الرحمن الرحيم
كنت أستمع في عيد الحب الماضي إلى اذاعة مونتكارلو وكانوا يذيعون برنامجا للتهنئه بهذا اليوم <عيد الحب>> اتصل عليهم واحد سعودي فقال :ألو المذيعه نعمه:أيوه مين معايا؟؟؟ السعودي :معي نعمه؟؟؟ المذيعه:أيوه السعودي:لعنة الله عليك يانعمه فانهالت الاتصالات بعد ذلك تدين هذا السعودي والكلام الذي قاله""هذا ماعنده احساس ما يحس بالثانين هذا مايمثلنا أحنا يالسعوديين قليل أدب ""هذا شيء مماقاله المتصلون بعد هذا الاتصال فقالت المذيعه أنا بتحداه يتصل مره تانيه ويواجهني <<مسترجله>> ــــــــــــــــــــــــــــــــــــــــــــــــــ ــــ اتصل أحد السعوديين على برنامج المملكه هذا الصباح وكانت المذيعه نسرين الحكيم <<حامل >> فقال لها : جايه تدربين كرشتك في الاستديو... فذهلت مما قال وتغير وجهها فقالت انتهى البرنامج _______________________ دار هذا الحديث فى تلفزيون البحرين يوم الخميس 8 نوفمبر 2001 وكان البرنامج هوه برنامج ما يطلبه المشاهدون ومقدمة البرنامج المذيعه البحرينيه فاطمة وضيف البرنامج من تدعى انها سارة الغامدى طبعا عارفين كلنا انها مغنيه المهم سيل من المكالمات اللى تتغزل فيها واللى تمدحها واللى تناقشها احلى مكالمة سمعتها هى مكالمة فتاة سعوديه وتدعى مشااااااااااااااااااااااعل اسمعوا الحديث اللى دار بينهم فاطمة:معانا مكالمة،الو مشاعل:مساء الخير ممكن اشارك فاطمة :تفضلى مشاعل:ممكن اكلم سارة فاطمة: تفضلى ساره معاك ساره:هلا والله مشاعل مشاعل :هلا والله سارها انا صراحة اتصلت عشان اقولك ان الصبغة اللى حاطتها مخليتك مره مره مره مره *****<<كلمه لاأريد أن أكتبها وأظن الكل يعرفها>>و ان زوجك ( كلمة مش ولا بد.. قالتها وشطبت مني )(وانتم بالكرامه) هذا كلام المتصل حرفيا والله ماحد قالى انى سامعها باذنى المهم قام وجه ساره يتلونو الصوت اختلف حتى انها ما قدرت تغنى أغنية لمحمد عبده بعد هذا الكلام وانكشف صوتها الحقيقى قدام الناس وعلى الهوا طبعا وقامت المذيعه البحرينيه تحاول تعتذر وتغطى على الموضوع بس ما قدرت لان اللقاء كان على الهوا طبعا تبون تعرفون وش كان رد ساره طبعا قالت:هذا شى عادى وانها متوقعه هذا الشى من اول خصوصا انها فى مجال الفن والله شى يضحك شخص يقبل على عمل شى وهو عارف ومتاكد من هذا الشى ___________________________ اتصل أحد السعوديين على برنامج المملكه هذا الصباح وكان الضيفه دكتوره تجميل فغريبه انه رجل يتصل المهم قال عندي مشاركه قالت المذيعه تفضل قال :ليش تنمصين حواجبك ماتدرين ان النمص حرام والرسول صلى الله عليه وسلم لعن النامصه وبدأ بعتاب شديد جدا لها فتغبر وجهها وقطعوا الاتصال وقالوا انقطع الاتصال والكثيييييييييييييييييييييير من المواقف المشابهه سببت خلاف بيني وبين صديقتي الأردنيه هي تقول :انتو السعوديين ماعندكم احترام لمشاعر وأحاسيس الناس عندكم قلة أدب تحطمون الناس مثل الفنانين والفنانات والمذيعات عندكم تخلف وتحجر أنتو مو متحضرين مثل الناس البائين قلت لها :لازم ننكر المنكر قالت: العالم متعوده هيك <<يعني على الأغاني والتبرج>> وحتى لو نصحتوهم ماراح يتركوها خلوهم يعملو الي بدياهم شو دخلكو أنتو فيهم مارأيكم بأسلوب هؤلاء السعوديين ؟؟؟ وهل تؤيدونهم في مافعلوه ؟؟؟ أرجو ا التفاعل لأنه الأردنيه طلبت مني أحط الموضوع بأي منتدى سعودي.... تقول راح تشوفي راح يؤيدونهم أو ماراح يردوا عليك لأنك بنت والسعوديين ماعندهم قيمه للبنت أرجوكم فهي تتصفح المنتدى بعد أن وضعت هذا الموضوع والسلام عليكم ورحمة الله وبركاته |
|
| الإشارات المرجعية |
| أدوات الموضوع | |
| طريقة العرض | |
|
|
النمط الأحادي