|
السلام عليكم
أذكر وديت ولدي حالة إسعافيه طايح على وجهه ومتكسرة سنونه ويوم دخلت المستشفى وجهني واحد بالاستقبال (سعودي ) إلى دكتور مصري فرفض الكشف على ولدي يقول هاذي مهيب حالة اسعافية هاذي حالة عادية يروح لطبيب أسنان أو طبيب أذن وأنف وحنجره ويوم تهاوش الموظف السعودي معه وقال له أنا هنا مسئول عن أي شخص يدخل الطواريء ولازم تكشف عليه رفض رفض قاطع وبعدها أخذ الولد لواحد سوداني ونوم الولد على سرير عندهم وجلسنا ساعة قال لنا السوداني الطبيب اللي يبي يكشف على الولد في عملية ويبي يتأخر وعطونا موعد بالليل بعد صلاة التراويح في رمضان عند طبيب الأسنان ..
المهم طلعت من عندهم ولا رجعت إلى يومك .. رحت لمستوصف أهلي وقام باللازم .. لكن نقول يمكنهم معذورين وهالمصري مزعلته أم العيال وصايم وتجي تقول له اكشف على ولد مكسورة سنونه ..
الله يصلح الحال .. ويوفق القائمين على الصحة لبذل المزيد من التطوير لهذا القطاع لأنك تتعامل مع بشر وليس مع آله .. فالحالة النفسية للمريض هي جزء من الشفاء .. ولدي كان فيه روعتين روعة انه طايح على أسنانه وروعة من هذا المصري اللي قعد يهاوش الموظف السعودي ..
|
18-01-2010, 12:17 PM
النمط الأحادي