 |
|
|
|
|
|
||
| ســاحـة مــفــتــوحـــة المواضيع الجادة ، والنقاشات الهادفة -- يمنع المنقول |
|
|
أدوات الموضوع | طريقة العرض |
29-01-2010, 04:25 AM
|
#1 |
|
عـضـو
تاريخ التسجيل: Jan 2010
البلد: بريده
المشاركات: 6
|
يااتنصحني او لا تدخل
السلام عليكم ورحمة الله وبركاااته
صباااح الخيرااات للجميع ماادري هل هالموضوع بمكااانه الصحيح ام لا المهم انا بدخل بالموضوع بدون مقدماااات (بصراااحه انا لا اصلي ) لاتتسرعون بالحكم علي مثل بعض الناااس والله ثم والله اتمنى اصلي وينصلح حالي بس عجزت فيه شي بدااخلي يمنعني انا مالقيت من ينصحني ولا لقيت من يقولي انت على خطاء لاتقولون يكبر الموضوع انا فعلا مالقيت احد يقولي انت على خطاء انا حتي اماااام مسجدنا اللي مسوي فيها امام اجلس بطريقه وهو راايح للمسجد ابيه يقولي شي ابيه ينصحني ودي افضفض له واقوله اللي بخااطري والنتيجه يمر من عندي حتى السلام مايسلم << بالله هذا امااام الهيئه مسكوني مره وقلت حلو اخيرا بلقى احد ينصحني يمكن يقدرون يغيرون حالي بالاخير نزل وااحد منهم الظااهر متهاوش مع اهله وجاء وحط الحره فيني وتهااوشت معه وقام يصاايح علي << هذا نصح الله يجزااك خير يااجماااعه انا ماكتبت هالموضوع هنا الا عشاان ارتاااح اطلع اللي بقلبي يااجماااااعه والله ثم والله اذا شفتهم يصلون اني الوم نفسي مليوون مره بس وش يمنعني عن الصلاه مدري اشوف بزران صغار يصلون وانا لا يعني هم اعقل مني واحسن مني والله حالتي كل يوم تسوء احس الدنيا ضااايقه بوجهي وكل يوم تزيد ضيق مره من المرااات كنت مع الشباااب وكان صوت الاغاااني الاصقه يسمعه جاء جنبنا مطوع على سيااارته اشر لنا كلمنا وهو يضحك ولا جاااب طاري الاغااني ابد بالعكس قعد يستهبل معنا واخذنا الدعوه استهبال باستهبال قالنا تعالوا فيه مخيم مجتمعين فيه دعاااه ترى الدعوه ضحك وونااسه والله اني قلت لهم مشينا حسيت ان هالانساان بيغير فيني شي رفضوا اللي معي وضااعت الفرصه علي ومره من المراااات كنت عند اشارة جامع الرااجحي وكان وقت بمنتصف المغرب كان فيه محااضره بالجامع وكان الصوت عالي مره كنت اسمع صوت الشيخ وهو يحدث ارتحت لكلامه جاني تردد انا ادخل او لا وبالاخير علق علي البوري اللي وراااي ومشيت يااجماااعه انا ادري اني طولت بالكلاام بس والله ابي احد يفهمني ابي احد ينصحني ابي احد يدلني على طريقه ارتاااح فيها ماابي احد يدخل علي اللحين ويتهزاء فيني اذا عندك نصيحه لي فقولها ماعندك اطلع ومشكور انك دخلت موضوعي داااج |
|
| الإشارات المرجعية |
| أدوات الموضوع | |
| طريقة العرض | |
|
|
النمط الأحادي