[ابوالعبد]

السلام عليكم

استغرب انه لهالدرجة صاروا ابناء بريدة مايستحون ويغازلون عيني عينك وياقلب لاتحزن يعني انا اشفت واحد اعرفة مصلح هالطريقة وما كنت متوقع صراحة ان هالشخص ابن الرجال المحترم اللي اعرفه يكون من هالنوع الواطي.

الطريقه الله يسلمكم هي انه يلصق الرقم الخاص بجهازه البلاك بيري الجوال(8ارقام ومن ضمنها حرف او حرفين بالانجليزي)في احدى زجاج السيارة وعلى باله ان الناس جهله مايعرفون وشوله هالرقم.

والمعروف ان كل جهاز بلاك بيري له رقم خاص غير رقم الجوال يقدر يراسل اي جهاز بلاك بيري ثاني من دون استخدام رقم الجوال

واللي ادهى وأمر شفت راعي هوندا 2006 حاط رقم جواله على الزجاج

يعني صرنا مهزله وياقلب لاتحزن

اتمنى من الحكومه اصدار قرار صارم بهالخصوص مثل ما اصدرت قرات للكدش وطيحني مع انه هذي اهون من المغازل العلني.