[مدحت شوقي بريده]

الـجـاثــوم ...

من منا لايعرف الجاثوم ..

الجاثوم <<< اسم شيعي .. حسين علي الجاثوم من مواليد القطيف >>> يستهبل الصعيدي:D
والتعريف الثاني .. ( جا ... ثوم ) <<<< وهو من البقوليات >>> يسمع بالقوليات الصعيدي ..:D :D :D

عاااااااااااااااااااااااااااااااااااد الجـــاثــــوم معروف ..
وهو شي يجيك بالليل ويكتم على صدرك .. مايخيلك تقوى تتنفس ولا تحكي ..
<<<<< تذكرت امي لطيفه الله يرحمه ويخليه لنا .. تقول لاتضربون البساسه .. ترى تجيكم امهن بالليل ..

البارح وأنا نايم .. مستلقي على ظهري ومنجطلاً على سريري ..
ومستغرقاً في نومي .. مسعبلاً على خدي ..
مادريت الا باللي يغولن ... لعنبوا ابليسه .. احاول اتنفس .. ابفتح عيوني ..
ابصوت لأخوي .. عجزت .. صوتي مبحوح ..

والله ياهو مابقي واحد من جماعتنا الا وزاعقت بأسمه .. وناديته ...
حتى كيكي شغالة عمومتي هاك العصلا .. يقولون انه تسحر بس عجزت اناديهم ..

وابو جاثوم غايلن ويقول لي .. ... تصوت والا تقعد ماحولك أحد ..

والحمدلله رب العالمين .. يوم أذن الفجر .. ويبعد عن .. ( سبحان الله )
سمع صوت الأذان ...

الغريب <<<< سليمان الغريب جيران عيال عمتي نوره ..
الغريب في الأمر ..

ان الأطباء يقولون .. أن هذا يسمى شلل النوم ..

وأهل العلم يقولون انه شيطان ..

وأن اقول .. اكيد انه شيطان .. لأنه من سمع الآذان ( هج )
والا كان لاعب بحسبتي ..

وأنتم وش رأيكم .. وش تقولون .. <<<< نقول الرائد فايز وش تقولون ..


نسمع ارائكم .. وتعليقكم .. وكذلك الأراء العلميه الطبيه والشرعيه في ذلك ..
فلا تبخلوا على ميدنا ..
سي يو ..