[ملكة الاحاسيس]

السلام عليكم
وشرايكم بالشباب او الناس موبس الشباب الي لاجاء احد يسالهم عن واحد متقدم لبنتهم و يحلفون انه رجال يرفعونه فوق حجمه
ولاسال ابو البنت او اخوها هل فلان يصلي وماتفوته صلاه الفجر حلف خوييه ان يصلي ومداوم على الفروض
ولاساله عن الدخان قسم بالله خوييه انه ماعمره شاف بيده سيجاره
ليش الكذب حرام عليك افرض انها اختك البنت الي متقدملها ؟؟
والله شي يقهر والبنت هي الي تجلس تعاني كل عمرها خاصه اذا صار صدق رجل بمعنى الكلمه لكن مايصلي الفجر والعصر ؟؟
ثقيله عليه الصلاتين وش فايده الرجوله بلا صلاه وش فايده العرس كله وش ذنب اعيالك
لاشافوك ماتصلي قالو موب مصللين ابوي مايصلي والله شي يقهر موبس يقهر الزوجه حتى ابو البنت
يفكر يحس انه ظلم بنته مع الرجال
حسبي الله ونعم الوكيل على كل واحد يغطي على زميله او صديقه وين تروح الناس تسال عنه
حتى امام المسجد مايجاوب يقول يصلي بمسجد الدوام
ارجع واقول حسبي الله على الي يغطون على اخوياهم سواء من الشباب او البنات