[انثى مصرقعه]

السلام عليكم ورحمة الله وبركاته

هذي قصه تحاكي واقع شبابنا

ماجد شاب قصيمي خلص دراسته بكلية التـقنيه..>>مدري ليه عيال بريده تموت فيها مازال البحث عن السبب جاري..
اليوم اول يوم له بالوظيفه ..تقريباً الساعه ثلاث العصر انتهى دوامه وركب سيارته وهو يغني بينه وبين نفسه بصوت اقرب لطنين صارحيني دننن دننننن منهو انا بدنيتك منهو انا بدنيتك دنندنننننننننننننن ..حتى وصل بيتهم ..دخل البيت لقى امه بالصاله ..حب راسها وجلس
قالت امه: ..تبي غدى ؟ ياوليدي ..
ماجد : لا مابي غداء ابي مره ..
الأم: ..هههه الله يرزقك .
.ماجد: دوريلي .
.الأم: ها الحين قل لااختك منير تحط غداك ويسهل الله..
ماجد: ..متى الله يفكني من منير وشين نفسها ..وسرح بفكره شوي وبدء يتخيل انه متزوج ذيك البنت الشمحوطه ..ع قولة اخواني الشباب
وهو راجع من الدوام تاخذ شماغه توكله تكوي وتغسل ملابسه ..العصر تسوي حلا ويتقهوى ..بعدين يروح للشباب ويجلس بالأستراحه حتى انصاص الليالي
لما يرجع يلقى ست الحسن والدلال وتشيله ع كفوف الراحه .. فاكثر اخواني الشباب (لاحظوا )ما قلت الكل قلت الاكثر .. كذا تفكيرهم ..عاد وين حق الزوجه ..مادري ؟!!..
المهم نرجع لماجد ..بعد العصر وهو جالس يتقهوى هو وامه وخواته ام العكاريش حصيصه ومنير ..وامه ..
الأم :وش رايك ببنت اخيي ..نوره قبل ماتكمل قاطعه ماجد وشو وشو خوش والله ماعاد الا هي انا ماجد اتزوج ها الدبيه ..لالالالا قولي غيره
حصيصه: ..بس لقيتلك اللي يحبها قلبك بنت عمي سهى ..
ماجد: هههههههههههه من جد ضحكتيني سهى ..
حصيصه: ليش وشفيها سهى اخلاق وادب ومملوحه
ماجد :ههههههههههههههه يوووووووووووه قويه مملوحه ..
الأم : ..طيب وش رايك ببنت جيراننا امل .. ؟
ماجد: عاد امل السميرى ام شوشه ..........
المهم ماجد ما يعجبه العجب ولا الصيام برجب وكل بنت يذكرونها يطلع فيها الف عله ..لحد ماجاء ذاك اليوم وهو جالس يشرب الشاهي مع اصدقائه
بالاستراحه ويتبادلون التعليقات الساخره ..
قال سلطان : ..يابو خشه متى تعرس ..
ماجد: ..انا..
سلطان: ..فيه احد عندنا له خشه غيرك .
.الشباب : بصوت واحد ههههههههههه
ماجد : عندكم لي مره
..سلطان : ..ما كثر الله الا البنات ..
ماجد: بس انا ابي مزيونه.. !!!!
قاطعهم سليمان: ..تبي مزيونه .من زينك انت وخشتك ..!
ماجد : .ياخي انت ليه حاقد علي بعدين الرجال مايعيـبه شيء !!!!!!
.................................................. ..........
المهم مرت ثلاث سنوات وماجد يبحث عن عروس جميله كامله الصفات والمواصفات ..
لحد ..ماجت امه وقالت : ..ماجد ابشر ياوليدي
ماجد: خير ان شاءالله
الأم : لقينا لك البنت اللي تبي ..
ماجد : يعني فيها كل الشروط ..؟؟
الأم : ..ايه كامله والكامل وجه الله
ماجد: ..بسررررررعه يمه يالله قولي مواصفاتها
الأم : ..طويله بيضاء شعرها طويل وووووووووووووو..............
ماجد : وش تنتظرين دقي دقي قبل ماتروح..
.................................................. .........
دقت الأم ع الناس .. وخطبت البنت وتمت الموافقه المبدئيه..
ننتقل لعروس المستقبل ..ندى بنت جميله وناعمه ودلوعه ومدللــــه بنت مفعمه بالحياة والحيويه
............................................
اليوم ماجد يبي يروح ..لااهل العروس لـِ مقابلت ابو العروسه واخوانها
ننتقل لندى .. تناظر بالمرايه جمالها ونعومتها وترفع شعرها بأطراف اصبعها بكل دلال وتقول بينها وبين نفسها واحد له كل الشروط اكيد انه واحد فلته
غمضت عينها وبدأت ترسم شكل ماجد بمخيلتها ..طويل ومفتول الجسم ابيض وسيم جداً له سكسوكه حالكة السواد..قطع تخيلاتها العذبه صوت
اخوها احمد يناديها..ندى ..
ندى : .سم ..
احمد: .. يالله تعالي بسرعه شوفيه قبل ما يطلع ..
ركضت ندى لمكانها السري عشان تشوف ماجد.. وكان جالس بالمجلس ..
ندى : يوم شافته وعععععععععععععععععععععععععععععع وش الشيفه ..كان ماجد معصقل لونه مدري كيف اوصفه متعدد الالوان كل جزء بجسمه له لون
وجه تغزوه البثور والنقاط السود
...يعني اخينا في الله يعاني من عقدة نقص قويه ملازمته منذ الطفوله ..نسى اوتناسى ان الجميله تبي جميل يفتح نفسها ويمثلها بالشكل ..
اصيب ماجد بصدمه قويه بعد هذا الموقف .. رجع وخطب كلن من نوره ..وسهى ..وامل ..لكنهن كلهن رفضنه وبشده..

......................