[بدر الحودي]

لاعـاد علـمٍ جـاء بليلـه شّقيـه
علمٍ يكدر صافـي البـال طاريـه

في تالي وقت الليـل دقـوا عليّـه
قالوا سمعت وقلت وش صار وش فيه

قالوا فيه حادث.. والحـوادث بلّيـه
على طريق (عبدالله ) بانت مواريه

(احـمــد) صدم والصـدمه قويه
اخذه موتر الإسعاف تـوه موديـه

قلـت الرجـا بالله رب البـرّيـه
ماخّيب الله ظـن مخلـوق يرجيـه

لكن عـن المكتـوب مابـه نحّيـه
امرٍ مقـدر كـل مخلـوق ماشيـه

في يومه الموعـود جتـه المنّيـه
في ساعةٍ فيهـا الوعدعنـد واليـه

يالله ياللـي تعلـم بـكـل نـيـه
أدعيك مـن كامـل ذنوبـه تنقّيـه

وادعيـك تغفـر سيتـه والخطّيّـه
ياواحٍـد كـل المخاليـق تدعـيـه

وادعيـك يالله تجمعـه مـع نبيّـه
في جنة الفردوس وايضـا غواليـه

مرحـوم يـاراع الوفـا والحمّيـه
اللي بفعل الطيـب محـدٍ يجاريـه

ماجـات منـه الناقصـه والرديّـه
كلٍ بذكر الخيـر بالخيـر يطريـه

والختم صلوا كل صبـح وعشّيـه
علـى نبـيٍ واضحـاتٍ مماشيـه