|
إسعاف المركزي أم جدار المركزي
هذه القصة المختصرة أوردها لكم على لسان أمي وهي منومة في مستشفى التخصصي لهذا اليوم الثلاثاء شفاها الله ومرضى المسلمين أجمعين .. والله على ماأقوله شهيد
تقول : تم تحويلي بشكل عاجل من المستشفى المركزي إلى المستشفى التخصصي لقسم القلب ظهر اليوم .. الزبدة جابوا الأسعاف تقول ركبت أنا ومعي ممرضة سعودية وسستر وكابتن الأسعاف تقول يوم مشينا طفت بنا سيارة الأسعاف أكثر من مرة قبل مايطلع من المستشفى عاد تقول يوم طلعنا .. تعرفون المطبات مايحتاج حول المستشفى المهم طفى بأحد هالمطبات وبعدين اشتغل تقول أمي اوجعن قلبي من كثر مارجنا وطفابنا الموتر والمصيبة أن قلبها مريض ( يابعد قلبي أنتِ ) المهم تقول يوم وصلنا هيبر بندة قال الموتر هذا محلي وطفى رد وهات المهم عيا يشتغل الاسعاف (والله مهزلة) ياعدل يابدل تراي أسعاف المهم أمي ذبحه الحر غير أن قلبه تعبان وعنده سكر وضغط طبعا كابتن الأسعاف نزل وقالهم ابتصل يجيبون اسعاف ثاني قالت الممرضة السعودية لو يجيبون حمار ابرك لنا من اسعافاتهم وبعد الأخذ والرد تقول جابوا سيارة غمارتين عاد أمي ماتعرف تقرأ ولاتكتب تقول لاهيب هايلوكس ولاددسن عاد انا توقعت يا انه سوزو والا ميتسوبيشي .. والله قهر .. الكابتن السواق قدام وحنا ثلاث حريم وراء تقل موديهن للسوق .. والله حرام .. والحمد لله وصلت أمي بالسلامة إلى مستشفى التخصصي .. عاد قلت لأمي احمدي ربك ماطفابكم الاسعاف عند جدار المركزي المرفود بحديد عشان مايطيح ..
انتهت القصة ..
وش رأيكم يالربع بهذه المهزلة أقدم شكوى وإلا احتسب أو (مالك قبيل) لاصار الخراز قصدي الرأس الكبير يمشي ويلفع بالموظفين ولا كأن صار شيء
|
19-05-2010, 02:24 AM
النمط الأحادي