[انثى مصرقعه]

كل عام وانتم بخير وعيدكم مبارك
ويناعد عليكم انشالله بالافراح والمسرات
اليوم حابه اطرح موضوع حساس شوي واتمنى انى مانفهم غلط
او اني ضد الجنس الاخر
انا اتكلم من واقع ملموس ومحسوس
وهو ان الشاب قبل ما يتزوج يتامر ويتذمر من كل شي تسويه اخواته
طبعا مو الكل البعض لكنه الغالب
والشواهد في هذا الموضوع كثيره مثلا الاخ يمنع اخته من لبس النقاب
وعباية الكتف في الاسواق ولما تجي زوجته يلزم الصمت
لا ويمكن يروح معها السوق وتلقى ضحكته شقه وجه طبعا انا لست في
موضع تايد ابداء الزينه من لبس عبايه والنقاب في سوق ولا غيره لكن ليه
يمنع اخته ويتشاطر عليها ويسكت امام لبس الزوجه
شاهد اخر
تلقى الشاب قبل مايتزوج الطبخ والغداء شي اساسي وياويل الاخت الي
ماتسوي غدا وبعضهم يتشرط ابي كبسه لا اليوم ابي صنيه لحم وابي وابي يعني مدلع نفسه ولا تزوج صارت تكفيه شندوشات الجبنه طبعا هذا اذا صارت شهرازد صا حيه

لانه كثير يجي للبيت وتكون المدام نايمه فما وده يزعجها ويقلق رحتها وينام على جوعه
لنجي لرمضان لازم السفره مترين ملاذ وطاب سبوسه سبرنق رول ووووو......الحلا لازم كم شكل
واذا تزوج سبحان الله فنجال قهوه وثلاث تمرات وحبتين سنبوسه والحمد الله
اذا استغربو الاهل قال انا بادي منب اشتهي سبحان الله !!
وسبحان مغير الاحوال!!
والشواهد كثير وكثير لذالك اود ان تشاركوني تساؤلتي وتدلون باريكم بهذا التناقض العجيب الذي نعيشه
فلمــــــــــــــــــاذانلزم
الصمت؟؟؟؟؟؟؟؟؟؟؟؟؟؟؟؟؟؟؟؟