[مـغـتـرب]

سلام عيكم

نزل موضوع بأحد المنتديات
لوحدة تحتفل بمرور سنة على زواجها
بصراحة لا اخفيكم انه اعجبني والله ببساطته



--------------------------------------------------------------------
السلام عليكم و رحمة الله و بركاته

جبت لكم صور عشانا انا وزوجي بمناسبة مرور سنه على زواجنا

طبعا كله من طبخي وتصويري

واذا تبغون المقادير بكتبها لكم بموضوع في المطبخ

وعقبالكم يارب


نوريكم الردود الحين على ذاك الموضوع

اقتباس حركااااااااات واذا تبين الجد اتوقع انها اخر حفلة لك مع هالرجال المسكين اجل هذا عشى حفلة العامل باستراحتنا يسوي لنا احسن من كذا يارب لك الحمد على النعمة رز احمر وملوخية وعصي تانج أأي ياكبدي

يحول والله حطمه ماله داعي

اقتباس عقبال مية سنة أنا أكثر شئ شدني في الطبخة ,, رقبة الدجاجة واضحة أنك طابختها لحالها !!! صور عشاء زواجك صراحة له معاني سامية بغض النظر عن أنه بسيط أو انه عشاء عزابية ومن هالمعاني ان لقمة هنية تكفي مية ومن معانيه بعد ان اهم شئ الاخلاق ولا يفوتني اني امدح زاوية التصوير حقت الصورة الثانية كانت زاوية مناسبة للالتقاط السماط ( السفرة ) وأكواب العصير وصحون الملوخية .. وكراعين الدجاج الله يهينكم على طووول

اقتباس اشبك ياعزوز ع البت بالعكس اخسريك منو مايفهم حتى من جد افكر اتزوج بعد موضوعك ذ1 << مغمضه عيونها وتتخيل الشكل حول الملوخيه خصوصا المصاص خش مزاجي ورده يسعدك ربي

حجازية

اقتباس لا حول ولا قوة الا بالله اجل هذا عشاء يفتخر فيه بالله اللي سوت الرومنسية هاذي ما لقت الا كبسة دجاج احتفالا بمرور سنة عل زواجها بصراحة مو معقول عن جد لازم ننشره في الاخبار ووكالات الأنباء أن فيه وحده طبخة لزوجها كبسة دجاج بمناسبة مرور سنة على زواجهم

يحول والله كل واحد يحطم اكثر من الثاني

اقتباس والله انك صح هذاالي ينفع للرجل السعودي املي كرشته عشان يسد ثمه ولا لونك متكلفه كان قال وشذا الخرابيط وحتى لوجاملك واكل كيكه وعصير ناظرك وقال مافيه شي ينوكل

هههههههههههه
عليكم ياعيال

اقتباس ألف مبروك .. لكن الرومانسيه الله يخلف علينا اجل عصير برتقال مع رز ودجاج محروق وإلا السفره اللي من عصر جدتي السنه القادمه حطوا حفله صح قاتوهات مشويات فطائر عصائر جذابه وجلسه تفتح النفس في موقع يفتح النفس واذا تبغوني انسق لكم ماعندي مانع وعلى حسابي ها بعد وش تبون

هذا انواع العيارة والتهزيء

دجاج محروق ههههههههههههههه


والله ماخلو شي عيال اللذينا
...والقناعة كنز لايفنى...