 |
|
|
|
|
09-02-2005, 03:26 PM
|
#1 |
|
عـضـو
تاريخ التسجيل: Feb 2005
البلد: حبيبتي (بريده)
المشاركات: 2,621
|
مجمع التنسيم (عدة مواضيع) لاتفوووووووووووووتك يصلحلكم
السلام عليكم ورحمة الله وبركاته
لقد سأمنا من المواضيع التنسيم لكن أنا جايب معي شي جديد وهو أني أبحط كل التنسيم بالهموضوع واللي يبي يعاونن حياو الله بالعربي الفصيح (أبحط عدة مواضيع في موضوع واحد) ولاحد يشره ياشباب نبدأ أولاً الفقرة الأولى (1) أولاً أبوضح لكم الناس وأشكالة وأطباعه من حيث التنسيم والهبال (وقلنا من ايهم انت؟) يالله نبدأ ================== المسطل : هو من يرجع أصله لعائلة السطول العريقة و أصلها يرجع إلى العصور الوسطى وقد أطلق على هذه العائلة هذا الاسم نتيجة لأن أفرادها يتميزون بالعقول المخرفة و يرجع ذلك إلى تأجير الدور العلوي و الترفيع بالمواد المسكرة و المخدرة وغيره ............ الدلخ : وهذاا إنسان غبي جداااا.ويرفع الضغط ....وينرفز ....واكثر من يعااني منه المدرسين ....واهله ............. المنسم : كل ما مريت عليه تسمع صوت( تسسسسسسسسس ) ويرجع ذلك إلى تهريب الهواء من رأسه و السبب في ذلك هو أن في رأسه فتق لذلك تلقاه دايم يغطس رأسه في سطل موية عشان يعرف من وين التنسيم ( التهريب ....... المهوي : هو مرحلة متأخرة من التنسيم و المهوي وصل لمرحلة متأخرة جدا بحيث يفقد أهله الرجاء منه ...... مزّلب : يعني بايعها بتراب ........ مسفّح : يعني طاير في العجّة وهو ما عنده ما عند جدتي ........ الصتيمة : وهو الشخص اللي ما عنده ما عند جدتي ... ويصدق أي شيء يقال له ........ المسبة أو المسبوه : هو الشخص اللي يكون مروع في صغره لدرجة أنه يصبح شبه فاقد للعقل ....... الفاهي (المفهي) : هذا الله يخلف مهما تقول له أو تصارخ عليه تلقاه فاتح ثمه و بس ... و إذا كلف عمره رد عليك و قالك : هاااه ........ الحقنة : هو الشخص الغثيث اللي ما يفكك لين تعطيه اللي يبيه منك و مهما تسوي له عشان تصرفه عن الموضوع حقه ينشب في حلقك لين يأخذ منك اللي يبيه , وهذا يفسر قول العرب : أغث من حقنة ......... >العلة : هذا اللي ما تأخذ أنت منه أي شيء و لا عنده استعداد انه يسمع منك مهما حاولت وهو كالمرض يعلك لين تنفقع مرارتك منه ........... العربجي : يظن معظم الناس أن العربجي هو الشخص الشديد !!! حق المشاكل و اللي ما يمشي إلا وهو مشخص ببنت البكار ( أسم لطريقة لبس الشماغ عند العرابجة ) و حاط مفاتيحه في سلسلة و لا بس نعال زبيرية و يسحبها تسحيب لين جاء يمشي !!! و دايم فاتح صدره و رازه على فوق و كانك ولد أبوك قله شيء بس!!! ... لكن في الآونه الأخيرة ظهرت إشاعات تقول بأن العربجي هو اللي يسوق الحمار(الله يعزكم) لكن صرح مصدر موثوق من عائلة العرابجة بأن هذه إشاعة مغرضة أطلقها عليهم أحد الخكاريه والقصد منها تشويه السمعه ( الله من زين السمعه ............. الكحلي : يطلق مسمى الكحلي على ذوي البشرة السمراء و لأن ذوي البشرة البيضاء مساكين ما عندهم لقب احتجوا عند الأمم المتحدة . ............. المرجوج: هذا ما عمره صلح شيء صح في حياته ما يمديك تفتح ثمك إلا و طار في العجة بدون ما يفهم وش السالفة !!! و الارتجاج الحاصل له يختلف تماما عن مشكلة المسبة أو المسبوة حيث يكون الارتجاج هنا نتيجة صدمة و ليس نتيجة روعة ........... >المطفوق : من فصيلة المرجوج ... إلا أن مايميزه هو انه اذا مر من عند كاس أو جيك أو ابريق أو أي شيء فيه ماده سائله لازم يكبها ( أي يسكبها ) برجله وهو مايدري !!! ولا تخليه يمر بجنبك وانت معك صينية فيها بيالات لأنه لازم يصقعها بيده أو بكتفه ..!! وأخيرا ً.. لاتخليه يصب قهوة للضيوف لأنه لازم يكب القهوة على ثوب واحد منهم .......... السربوت : هذا اللي ما يخلي مكان ما يروح له و قد كان الأولين يطلقون لقب السربوت على من يشرب التتن ... لكن الحين الله يخلف الناس تدخن بيدينها و رجلينها و لا أحد يقول لهم شيء ........ السمرمدي : وهو من نفس فصيلة السربوت ... ولكنه اكثر تعقيدا ..........ً >الداشر : هذا قليل الأدب و لا يحب يماشي إلا السرابيت ... و إذا قيل فلان دشر فلان أي خرب أخلاقه ........... >الملكع : أما هذا فيعرف حتى السكن ( اي الجن ) و مقطع السمكة و ذيلها و مهما تحاول تلف و تدور معه تراه فاهم و عارف وش تبي بالضبط فلا تتعب نفسك ........... المصرقع هو كل شخص ما يهمه شيء و اللي يطري على باله يسويه لأنه ماخذ الدعوة وساعة صدر و هبال . .......... المفلت : هو كل شخص ما تقدر أنك تأمنه على شيء لأنه مهوب تكانة و يتميز بكل أنواع الإهمال و التطنيش . .......... الخكري : الله يستر عليه ......... ============================== الفقرة الثانية (2) وبعد أن تعرفنا على أنواع الهبال والتنسيم في بعض الناس ننتقل واياكم إلى نقطة أخرى ألا وهي صور مطهبلة متحركة وقلي رأيك فيها ========================= أضحكوا و أدعوا لي ... هاه فيه أحد وده يتمرن معي بعد هذا  طفش من الدنيا وكتبتله حياة وكانت النتيجة  ========================== الفقرة الثالثة(3) وهي عن اليابانيين وكيفية اختراعاتهم في النوم إليكم الصور هذولا شبعوا وفسقوا  ولا وش رايكم بهذا  وهذا ماصبر شوي لين ينزل من القطار  وهذولا ينتظرون التبيس يجي والظاهر انه جاء وراح خمس مراة  بدون تعليق  هذا شكلة رنع بالماصورة وجاب العيد  ========================== أتمنى أن تعجبكم لكم أرق تحياتي(المنسم)_(الغسيم) نرجوا منكم المشاركة
__________________
 |
|
|
| الإشارات المرجعية |
| أدوات الموضوع | |
| طريقة العرض | |
|
|
النمط الأحادي