[محتاجه لك]

نهى وجارتها الاستراحــــة

--------------------------------------------------------------------------------

وكل عــــــــــــام وانتم بصحه وسلامه قبل الزحـــمه

ندخل ف الموضوع

نهى: متزوجه حديثا من أحمد ومتخرجه من سنه وجالسه في البيت بدون وظيفه >>>اهم شي الوظيفه
احمد:زوج نهى>>احلفي متخرج و متوظف ف شركه حكوميه براتب ممتاز
نبذه عن ابطال القصه

نهى: دخلت المطبخ كالعاده تجهز الغدا
احمد: توه راجع من دوامه الساعه 2دخل المطبخ هلا نهى هاه وش غدانا تراني ميت جوع
نهى: دقايق ويجهز رح بدل ملابس ع بال ما اجهز السفره
احمد: طيب لاتتأخرين ترا ابتغد وانام
نهى :ف المطبخ تجهز السفره عشان تحط الغدا
راحت لغرفه احمد يله جهز الغدا نهى +احمد جلسو ع السفر تغدو كان بينهم نقاش خفيف بعدها راح احمد ينام وسحبها لحد 6 المغرب صحى من النوم مطيوووور كالعاده صلى بدل ملابسه وطيراااااااااااااااااااان للاستراحه عنده دوري اليوم مع الشباب
نهى: ف المطبخ تغسل صحون الغدا احمـــــد بتطلع ؟!
احمد: ايه وش شايفتني اسوي اكيد ابطلع >>>ماينلام متأخر ع الدوري
نهى: طيب ابي محل اليوم اروح له ضروري
احمد: بعدين بعدين ماتشوفيني لابس الا تذكرين السوق
احمد :وصل للاستراحه سؤاله المعتاد للشباب عسى ماتأخرت عليكم
الشباب بصوت واحد لاعادي يالله هي احمد وفلللللللللله مع الشباب بالدوري
نهى :جالسه عن t.vتكلم نفسها تأخر احمد ولازم كل يوم كذا ياربيه بس وهذي حياتي انا>>>>كل هذا وهي تكلم نفسها
نهى :ترسل مسج لاحمد متى بتجي ابي انام؟
احمد نامي من ماسكك
نهى: تدري اني ما انام لين تجي
احمد:شوي
نهى: طيب
نهى يالله راحت ساعتين ع هالشوي حقته وصارت الساعه 4 الفجر
شرف احمد ع الساعه 4 ونص وسيييييييييييده ع السرير
نهى :تلاقطت هي وياه كالعاده ونامو

كل يوم ع هالموال ماتشوف احمد الا ع الغداء بس
وباقي الوقت ف الاستراحه ولا نايم
واشياء كثير تنقصها وتنقص البيت غير احساسها بالوحده طووول اليوم

كثير من البنات يعانون من هالشي خروج الزوج المتكرر ولمده طويله للاستراحـه وتجاهلـه مسؤولياته كزوج!




بنظركم هل للزوجه حق بالنقاش والجدال حول موضوع السهرفي الاستراحه المتكرر يوميا وبالساعات الطوال؟!!!

هل من حق الزوجه مطالبه زوجها وشريك حياتها بحقوقها وهي الجلوس معها وقضاء بعض الطلعات العائليه ؟!!


سؤال اخير
ماهو الحل الامثل لمثل هالموقف ؟!!!


انتظر ارائكم حول الموضوع