 |
|
|
|
|
03-01-2011, 05:58 AM
|
#1 |
|
عـضـو
تاريخ التسجيل: Dec 2010
البلد: بالي مامثله بهالدنياء بلد
المشاركات: 64
|
صاير سواق الأخ
قضية ساخنة شوي أقول بجد نفسي أسألكم سؤال وجيه حارمني النوم ليش إذا الواحد تزوج نزلت عليه الطيبة والرحمة والذوق وكل شي حلو صار فيه وقبل ......الله المستعان ليش مع الأم والأخت (والأخت بزيادة) زففففففت والزوجة تمام التمام بالذات العرسان ياسلام سبحان اللي يغير ومايتغير سبحانه أول دقيقه لو أختك تتأخر تلعن سابع جدها هذا إذا مانزلت المسكينة تركض قبل ماتروح عليها وحصلتك مشيت وصفطتها وتتشحت أحد يوصلها وتحصل ولا ماتحصل والحين يااااااااه تمر الساعه وعلى القلب زي العسل ويقولون ليش الأخت ماتحب زوجة أخوها؟؟؟؟؟أعوذ بالله من خواته قبل الزواج _أخوي محتاجة فلوس _أقلك ماعندي شي طفران _الله يسترك ياشيخ حتى مية بس بارجعها إذا أبوي أعطاني مصروفي بلييييييييييييز _أقول روحي طيري _طيب بس خمسين _ماني مكلف بك وقام وترك والمسكينة وتترجا فيه محتاجة وتدري جيبه مليان بعد الزواج والله بعضهم يجي يعطيها الراتب في إيدها وهي تصرف عليه هههههههههههه وإذا مره كان شخصية يعطيها كل ماطلبت وغير المطاعم والأسواق و يوصل أهلها(صايرسواق الأخ) هذا غير أمه اللي حملت وولدت ورضعت وربت وتعبت ودرست ماأقول غير ربي يالخايبة للغايبة حدث ولا حرج (بس هذا مو موضوعي) أنا ماأقول أقلبو على الزوجات لا والله أقول إش فيها لو تعاملون الخوات بطيبة شويه بس ليش الأخت عندكم عدوة ياخي ترا اللي بينك وبين أختك دم والدم إذا خرج من عروقك تموت تراهي في دمك واللي بينك وبين مرتك (هو صحيح رباط مقدس) لكنه ورقه وتتقطع ورقة وبكلمة وحده بكلمة وحدة بس ماعاد تجوز لك ولو تعيدها ثلاث إلا أنسى موضوعها كل اللي بينكم انتهى بل الورقة واشرب مويتها مش مآت آلاف من البنات اللي يشتكو من أخوانهم لا تقولون لا ماهي عدوة بس كذا مناقرة والله ثم والله أعرف وحدة (الله يصبرها يارب ويعوضها) أبوها متزوج على أمها وبعدين انفصل عن أمها بعد عمر طويل من المشاكل وعايشه مع أمها وأخوها الكريه وأخوانها (الأشقاء) اللزم اثنين الكبير تزوج وياربي كيف عسل مع زوجته أما معها يوم اللي تطلب منه مايقول ذي أختي أبوي رجال كبير وتاركها ويطق صدره أنا في مقام الوالد لاااااااااااا إلا يحسسها إنها غاثته وإنه غير مكلف فيها أما زوجته مو مخلي في خاطرها شي إلا يجيبه لها يعني عبدها وعبد أهلها بعد وقبل مايعرس دايم كان يلطشها وصلت فيه مره على شي بسيط حتى مااذكره قام داس وجهها! تخيلو الإهانه! والثاني أشين وأشين ليش إنه هو اللي يصرف عالبيت ففارد عضلاته عليها أشين من الكبير منتظر منها زلة عشان يهزززززئ ويهاوش ويكفخ حتى لو بس يطلع صوتها شوي (في البيت) شوي بس وهي ماقصدها تنفخ ولا كانت تكلمه يقوم ينافخ: عمى ارخي صوتك جعلك بكما يعني آخر تهميش يعني من الآخر مايبيها حتى تتكلم والمشكلة إنها مسكينة هي طبيعة صوتها عالي دون ماتقصد فدايم هواش وبرضه مره داس وجهها والله تحزن لو ماكان عيب كان رماها في الشارع ترى والله هذي البنت أعرفها تمام المعرفة لا والناس يسألونها إش تبغي بالزواج؟؟؟؟؟ أبد والله أخواني طيبين مررررره يمكن فيه منهم اثنين!(أعوذ بالله بعيد الشر) ياخي أختكم هاذي شسوتلكم والله إني أعرفها وممكن تقولو تلاقيها داشرة لا والله إنها شريفة وتخاف الله وماتغلط فيهم بس لمتى تبونها تسكت وتتحملكم وماترد عليكم مثل هاذي البنت وغيرها كثيييييييييييييييييير وفيه بعد أشين من أخوانها أتمنى لو أخوانها في المنتدى ويقرؤون الموضوع ليش هم كذا معها؟ صدق جاوبوني بصراحه ياشباب لييييييييش؟ ليش ماتدانون خواتكم؟؟؟؟ بكل صراحة مع احترامي للجميع أنا أعتبرها نقصان رجولة وضعف شخصية وأسألو طبيب نفسي عشان تتأكدو واستغلال لرجولتك ومحرميتك زي اللي معصب يطلع حرته في أخته ولا أحد مكفخه و ماقدر عليه جاي يبرد قلبه فيها وش ذنبها؟ تتشطر على بنت لأنها أضعف منك وماتقدر عليك تفرد عضلاتك عليها وتستغل رجولتك وربي ماراح يضيع حقها عند الله بياخذ حقها منك في الدنيا أو الآخرة (إن الله يمهل ولا يهمل) وإيدك ورجلك هاذي اللي تمدها على أختك بدون وجه حق ممكن بكره أو اليوم ربي يعاقبك وتنقطع أو تنشل (إن الله على كل شيء قدير) أو يسلط عليك إللي أكبر منك وأقوى منك ويدوس وجهك ويتفل فيه و يذلك ويحسسك إنك ولاشي ويسكتك كل ماتكلمت مثل ماكنت تعامل أختك بالضبط الظاهر ناسيين أحاديث الرسول اللهم صلي وسلم عليه: *(خيركم خيركم لأهله) ترى الأهل مو الزوجة وبس لا كل الأهل الأم الأب الأخوان الأولاد الخوات (حط تحتها ميت خط) *ويقول (رفقا بالقوارير)أي قوارير اتكسرت خلاص الحمدلله بس *ويقول (استوصوا بالنساء خيرا فإنهن خلقن من ضلع أعوج فإن جئت تقيمه كسرته وإن تركته مازال معوجا) وينك يارسول الله تشوف! *ويقول في الحديث القدسي إن الله يقول عن الأرحام (من وصلك وصلته ومن قطعك قطعته) واللي انت تسويه من قطيعة الرحم وأذيتهم بعد ياويلك من الله وترى قطيعة الرحم من الكبائر *ويقول في خطبة الوداع وقبل موته (اتقوا الله في النساء) ما اقتنعت بكلامي؟؟؟؟ وهذا غير الأجر اللي تحصله إذا شوي حسنت من معاملتك لخواتك غير كذا أبيك تعرف: إن البنت تحتاج رجال يقوم فيها ماتحس بالأمان لو ماعندها محرم حتى اللي مسوية فيها مسترجلة وقوية تراها ماعند أمها سالفه تحاول تغطي حاجتها لإنسان تتخبا وراه وتستند على كتفه يدافع عنها تراك مهم عند أختك تراها تحتاجك لا تقول أنا أخ ماني زوج يؤيؤ المعاملة الطيبة للزوجة بس؟؟؟؟؟ كون أخ صدق مو زوج والله لاتحصل معاملة واحترام من أختك ماتتخيلها والبنت لو ماحصلت من حلال (من محرم) هذا الشعور بالأمان بتدور عليه من حرام و أكيد بتحصل ذيب يسمعها و يسمعها كلام حلو وتصدق الخبله و تضيع وإذا وإذا وإذا طاح الفاس بالراس صحيتو ساعتها وتسألونها: نحنا واش قصرنا معك فيه؟لاااااااا أبد بس عمري ماحسيت بالأمان بينكم بالعكس أنا أخاف منكم أو على أقل تقدير بتصير عندها حالة نفسية بجد ترى الأنثى مخلوق عاطفي غصبا عنها والكلمة والمعاملة الطيبة مهمة جدا عندها أففففففف طيب إذا مرة ماتقدر تقول كلمة حلوة عاذرتك جاف منت متعود (كل الرجال الشرقيين كذا والخليجين بزياده) عالأقل بلاش النفخ والهواش على أتفه الأسباب بلاش الضرب وعاملها على إنها آدمية مو ضعيفة تستقوي عليها وتذكر دايم إن الله حرم الظلم على نفسه قبل مايحرمه على عباده إن لو ماقدرت عليك هالضعيفة الله قادر عليك بياخذ حقها وترى دعوة المظلوم مستجابة وأختك هاذي من الأرحام وانت بطريقتك تقطع رحم لا وتأذيهم بعد (ومن قطعك قطعته) يتهيألي مافي أحد عادي عنده الله يقطعه عنه وزي ماقلت أبدا ماقصدي أقلبو على حريمكم بس حسنو معاملتكم لخواتكم خصوصا إذا كان الأب غير موجود(ضمير غائب مستتر) والكلام اللي انكتب ماينطبق على الكل (إلا من رحم ربي) و أعطاهم حنية بس الأغلب كذا للأسف كيف يابنات بردت قلوبكم صح؟ دعواتكم هاذي الظاهرة الشايعة وتعرفو إن خواتكم بحاجتكم وآخذ أنا وياكم أجر وحابة أسمع رايكم في الموضوع وأسبابكم بكل صراحة أنتظر ردودكم وآراءكم جميعا
__________________
السعيد .. هو الذي يحمل طقسه معه ! لا يهمه إن كانت السماء صحوًا أو مطرًا  آخر من قام بالتعديل ناويه اعقل; بتاريخ 03-01-2011 الساعة 06:34 AM. |
|
| الإشارات المرجعية |
| أدوات الموضوع | |
| طريقة العرض | |
|
|
النمط الأحادي