 |
|
|
|
|
|
||
| ســاحـة مــفــتــوحـــة المواضيع الجادة ، والنقاشات الهادفة -- يمنع المنقول |
|
|
أدوات الموضوع | طريقة العرض |
08-01-2011, 10:12 PM
|
#1 |
|
عـضـو
تاريخ التسجيل: Nov 2009
البلد: السعوديه
المشاركات: 435
|
ان العين لتدمع عندما ترى بريده بهذي الصوره
السلام عليكم ورحمة الله وبركاته
الى اهالي ديرتي بريده  ساطرح بين ايديكم موضوع خطير وهو من الواقع وليس الخيال قضيه مؤلمه ترددت قبل طرحها كتبت هذا الموضوع للنقاش وهو مهم وللغايه ندخل في صلب الموضوع وهو اننا اليوم نتحدث على التغير الذي جرى في مدينة بريده الذي لايخفى عليه الجميع  بانه منتشره بيننا الجرايم وكثير مانسمعه في بريده تشوهت سمعة بريده  بعد ماكانت هي المدينه اللي تطبق فيها عهد الصحابه واذكر لكم قصه  حكي عنه في الغرب اقيم فيه نفس ماتقولو محاضره يدعون الى الاسلام والخير وقام شخص منهم وقال لايوجد في العالم كله دوله اومدينه تطبق على عهد الرسول صلى الله عليه وسلم والصحابهفرد عليه وقال الا يوجد فقال اين قال اذهب الى المملكه العربيه السعوديه وابحث عن نجد ثم اذ وجدتها اسالهم عن القصيم ثم اذ وجدتها اسالهم عن مدينة بريده هذي هي المدينه التي يطبق فيها نقف قليلا ونفكر  ونقول هل هذا الكلام يطبق في عصرنا الحالي ام لا ولماذا؟؟ نعم نعيش عكس هذا الكلام بل كل يوم تزداد هذي الفضايح من رقص _ اغتصاب_ سرقات_ بويات_ اعجاب _ لواط _ تفحيط_ تعارف وحب وغرام _ ترك الصلاة _ تقليد الغرب_ سهر على الافلام والمسلسلات بالاسترحات _ مخدرات سكار شراب _ عيد ميلاد _ اغاني _ حسد_ سفريات بالخارج الخ.... هل نفكر يوم من الايام اننانسمع عن هذي الاشياء ببريده؟؟  اللهم لا تؤاخذنا بما فعل السفهاء منا اذا لم تستحي فافعل ماشئت  هل هذي الفضايح موجوده قبل عشره سنوات كنا لما نمشي في ديرتنا ونشوف وحده لابسه عباية كتف ولا مطلعه عيونه تطير عيوننا نقول وش هذي ياساتر لا الحين تطور الامر بديت عبايه مزخرفه ومخصره ونظرات على الشباب وتعارف ومكالمات وطلعات زي السلام عليكم والشباب كنا لو نشوفهم لابسين بناطيل نضحك عليهم والحين صارو مثل البنات دلع ومياعه ولا لو نشوف واحد يدخن يؤيؤيؤ والحين صار زي شربة الماء وطلعات بره السعوديه وفساد مايعلمه الا الله الا من رحمه الله عز وجل وطبعا في كل بيت الصالح والطالحما تلقى في هالزمن الا كم بنت ولد محافظين على أخلاقهم و لا كم شخص محافظ على أدبه و التزامه و الأغلبية الله بالخير الواحد صار يكره يطلع من بيته و صار يكره يروح بس يتفسح مع أهله مو قرف منه و لا تعب و لا كسل بس خوف لا أولاده و لا عياله الصغار يفتحون عيونهم بهالعمر على هالدنيا الوسخة  الله يحسن خواتمنا بس ترى كل اللي نشوفه من قلة الصلاة و قلة الخوف من الله أبغى أسأل كل اللي يسوون هالأشياء من شباب و بنات ايش بيستفيدون ؟ بس فضاوة و قلة عقل غير كذا الله بيحاسبهم على هالأشياء و بيوريهم يوم لا ينفع لا مال و لا بنون الا من اتى الله بقلب سليم والهيئه كانت له تقدير واحترام والحين الله يخلف بدت تضرب حساب لاجت تنصح الواحد  يعني صدق شي يضيق الصدر بعد ماكان كلن يقتدي بنا في مجتمع مثل مجتمعنا يسوي زي كذا ودي اعرف ابائكم وامهاتكم يشوفنكم بالاشياء اللي تسونه وش شعورهم يعني حرام وش ذنبهم اهلكم ربوكم احسن تربيه بس انتم للاسف ماربيتو انفسكم فيه شي اسمه تربية النفس بس انتم تتبعون اهوائكم اوخليني اقول مخكم الفاضي تطورو شوي ارتقو شوي اطلعو بسمعه احلى من كذا  انشروا شي حلو تطلعون بشخصياتكم الحقيقيه ليه بس تنشرون الشي الشين وانواع المقاطع والصور الخايسه كيف وصلنا لهذي الدرجه من فراغ الاخلاق ولاحظت اكثر مايتكلم عنه اخبار عاجل في بريده وجرايمها بعد ماكانت طاهره مطهره لايوجد فيها ولاخلل ولان اصبحت الله يستر علينا وعليه كل البلاوي فيها انا اريد ايش اللي غيرهم وماهو السبب وكيف نقضي عليها ولا مافي امل انا اقول ان المشكله الاولى (منع الاهالي وتشددهم وحرمانهم على كل شي) فانفجروا مرة وحده لكن اؤكد واتوقع انا الاسرة هي عدم معرفته لكيفية التعامل مع ألابناء خصوصا عندما تبدا مرحلة المراهقة فالإبن او البنت هم هم منذ الصغر الى مرحلة الثانويه, المعاملة واحدة ويريدون الأبناء ان يكتسبو القيم من سلوك الأسرة , فلأبناء الآن يرون المتغيرات في الإعلام كالفضائيات وما أكثر السموم والفتن في هذه الفضائيات كذلك الإنترنت وقد تجد اكثر من جهاز في المنزل الواحد . المشكله الثانيه القنوات والافلام والمسلسلات المدبلجه التركيه بالذاات هذه هي الخراااب بعينها والسبب على الاطلاق هو ضعف الوزاع الديني انا ماقول انكم ماتسوون شي بالعكس عيشو حياتكم واستانسو واطلعو وسافرا بس لاتسوون شي يسخط ربكم كل شي وحدوده لاتنسون انا الله فوقكم ويشوفكم ويراقبكم طولت عليكم بس من القهر اللي اشوفه بعيوني  من جد وصلنا لمرحلة ماعاد صار الواحد يفكرويعرف هل هالأشياء أخلاق فاضلة و لا أخلاق وسخة واخير اقول الله يعينن على الدنيا وعلى اللي مقبل علينا من البلاوي والجرايم بس ماقدر اقول الاالله ياخذ الروح قبل المكروه والله يستر علينا وعلى بنات وشباب المسلمين ويهديهم ويرشدهم للطريق الصواب اللي يحددون في مستقبلهم وحياتهم اللي يبون يعيشون فيه ويرزقهم العقول اللي تخطط لهم الحياة السليمه وتبعدهم عن الحياة الفاسدهوهذي قصيده من شخص يعشق بريده ولكن للاسف نظر لها نظرة حزينه في الفترات الاخيره لديرتها الحبيبه بريده من يعيده بعد ماكانت باهلها سعيده تغيرت وكلن اخذ طريقه وطلعت اشياء جديده وعديده بريده غريبه ياغريبه تغيرتي علينا بلحظه قصيره اول فيه الصدق ولافيه كذيبه الناس تغيرت وطلعت اطباع عنيده زمان راح يارب انك تعيده وااخيرها انقل للحجاز وازور النبي في المدينه والسلام عليكم ورحمة الله وبركاته دمتتتم بخير
__________________
اذكروا الله يذكركم آخر من قام بالتعديل سجينة الحجاز; بتاريخ 08-01-2011 الساعة 10:19 PM. |
|
| الإشارات المرجعية |
| أدوات الموضوع | |
| طريقة العرض | |
|
|
النمط الأحادي