 |
|
|
|
|
17-02-2011, 06:45 PM
|
#1 |
|
عـضـو
تاريخ التسجيل: May 2009
المشاركات: 131
|
واااااااااااااااااااااااااااااااااخزيااااااااااااا ااااااااااااااااااااااااه
بسم الله الرحمن الرحيم
مساء الورد للسيدات والصبايا باختصار يابنات  كنت في استقبال ولادة احدى قريباتي وكانت هي وامها واخواتها في قمة الذرابة والحشامة في استقبالي وتضييفي حتى اخجلوني  وزادت بذلك نشوتي وفرحي بهذه الزيارة وبعد ثلث ساعة من السواليف والضحك والمزاح كنت خلالها في قمة السلاسة والميانة معهمدخلت علينا عائلة من اقاربهم وبعد السلام جلست امامي تماما ابنتهم وكانت في العشرين من عمرها ياربي وش اشوف يااااااااااااااااااااااااااااااااااااااربيه  كانت الأخت لابسة تنورة فوق الركبة بدون برمود بدون ماسك بدون دانتيل بدون شراب وكانت حاطة رجل على رجل واخزيااااااااااااااااااااااااااااه يارب سترك  كانت عورتها المغلضة واضحة بكل بجاحة مهب بس ملابسها الداخلية ياربي سترك  كنت اتصدد عنها بشكل واضح وهي ولا همها  جان تكاك وضيقة صدر عجيبة  لهدرجة وصل ببناتنا قلة الأدب وانحطاط القيم وذهاب الحياء صغرت بعين نفسي بشكل فضيع لأني عجزت انكر عليها او حتى انبهها لأني بكل بساطة لست ملتزمة ولبسي كان بلوزة اقرب للكت من الجبنيز وتنورة ميدي الحمدلله مهب عاري بس مهب شرعي والله يهدين يارب هذا غير ذنوبي اللي مايعلمها غير خالقي اسأله سترها وغفرانها صراحة انعقد لساني بشكل وضاقت بي الدنيا وحشرتن العبرة  ضعيفة حتى عن الأنكار على هاشيء العظيم كانوا بالمجلس يسولفون ويتناقشون ويتحاورون وانا ابد مهب معهم حتى قالت لي قريبتي وش فيك يافلانة كل عمرك محاورة ولست مستمعة ضحكت ببلاهة بوجهه وانا ساكتة وامها واخزياه منها كل شوي قايلة وش بك سمعينا صوتك حتى اني فشلت منها ارسلت لزوجي اني جاهزة قبل الموعد والحمدلله كان قريب والا كان قالي اجلسي لين افرغ اول ماركبت السيارة انفجرت بالبكاء من الضيقة اللي بي من نفسي اللي ماقدرت اوضح لها ومنها وقلة ادبها وحياها الله يعافيها ولايبلانا طبعا قلت لزوجي السالفة قالي انتي مبالغة والغلط منك عليك لسان وقوة حجة ماشاء الله كان قلتي لها وانكرتي عليها والا بس جودك علي؟؟؟؟؟؟؟؟؟ قلت اني صغرت بعين نفسي لأني ماقدرت اتكلم المهم وصلت بيتي بعد ساعة بالتمام دقت علي قريبتي المضيفة مباشرة قالت لي وش بك عسى ماشر قلبتي بدقيقة حاولت اتعذر وقلت لها انه صدع راسي ردت وغير هالكلام من آخره وش جاك يابنت الحلال قلت لها السالفة كاملة مادريت الا وهي منفجرة تضحك وتقول شر البلية مايضحك اللي يسمعك يقول كل اللي حولك مستورين اهلك وحمولتك اكثر تفتح باللبس منا قلت لها مهب سالفة تفتح وانا اسميه انغلاق ولاهيب سالفة عري السالفة عورة يافلانة عورة قالت الله يهدي الجميع يارب ويستر علينا قلت لها مهب هاذي اللي جدتها فلانة الله يرحمها العبدة الزاهدة الصالحة القوية بالحق قالت الا بس من دفنوها الله ينور بقبرها وهذا لبس بنات بناتها وبنات عيالها الله يستر عليهم قلت الله يهديهم يتسترون خوف من العجوز الله يرحمها مهب خوف من ربي قالت الله يهدينا واياهم اغلقت الخط بعد وعد مني باخلاف الزيارة سؤالي يابنات بعد كل السالفة لو كنتي مكاني وشلون تتصرفين؟؟؟ وهل العري وصل بمجتمعاتنا لهالدرجة؟؟؟؟؟؟؟؟؟ وهل العري يساوي التفتح والاستايل والكشخة والذوق؟؟؟؟؟؟؟؟؟؟ واذا كنتي تلبسين مثل هالبس هل انتي مقتنعة او مجاراة للمجتمع؟؟؟؟؟؟؟؟؟؟؟ دعوة جادة للنقاش في هذا الموضوع الهام وللجميع والسلام عليكم ورحمة الله |
|
|
| الإشارات المرجعية |
| أدوات الموضوع | |
| طريقة العرض | |
|
|
النمط الأحادي