 |
|
|
|
|
|
||
| ســاحـة مــفــتــوحـــة المواضيع الجادة ، والنقاشات الهادفة -- يمنع المنقول |
|
|
أدوات الموضوع | طريقة العرض |
15-03-2011, 01:51 PM
|
#1 |
|
عـضـو
تاريخ التسجيل: Feb 2011
البلد: القصيم
المشاركات: 484
|
لماذا ياشباب بريدة خبرناكم اهل الفزعات والمراجل!!!
السلام عليكم ورحمة الله وبركاته
حقيقة كتبت الموضوع وانا ضايق صدري ششووي ولي عتب على بعض الشباب قبل كتابتي للموضوع بقيل استئذنت من المدير وطلعت من الدوام ابخلص شغلة وارجع وانا بطريق النهضة مسرع شوي شفت على الرصيف سيارة متعلقة طبعا رجعت ووقفت عند الرجال واذا به رجل كبير بالعمر شوي ويجيب حصا ويحط تحت الكفرات باختصار متبهذل قوة قلت سم ياعم تبي اسحبك قال ايه الله يجزاك خير اذا ماتتعور سيارتك اسحبن لي ربع ساعة احاول وعجزت عنه<<<ربع ساعة وينكم عنه يمكن به ضغط ولا سكر وسوى مجهود يتعبه طبعا سويت الواجب وسحبته لكن تساؤولي والي يضيق الصدر اشوف عشرات الشباب يتمشون من عنده ولا واحد وقف وعرض المساعدة ليييش ياشباب ماتوقفون تساعدون وين شباب بريدة الي نعرف اوول تشوف شايب كبير بالسن ولا توقف للأسف بعض شباب بريدة انشغلو بتغبير السيارة والجلي والنصب والخ .... ليش اذا شفت واحد متعطل ماتساعده يعني خايف يخرب غبار السيارة<<هذا كلام عاااد ياخي وش الفايده من سيارة ماتخدمك ولا تخدم الناس وش الفايدة من سيارة ماتصير سبب ان احد يدعي لي ماتدري بوسط السيارة عجوز اوبنت خايفة اوو بزران ياخي وقف وساعد وش يبي يضرك لاأبووو السيارة بهالمواقف ليش معك جيب شاريةبـ100 او200الف ليش معك هايلوكس عشان تشخص ياخي شخص على كيفك ومن حقكـ لاكن وقت الجد ووقت المراجل سوو خير وانفع الناس قال رسول الله صلى الله عليه وسلم: المسلم أخو المسلم لا يظلمه ولا يسلمه، ومن كان في حاجة أخيه كان الله في حاجته، ومن فرج عن مسلم كربة فرج الله عنه كربة من كربات يوم القيامة، ومن ستر مسلماً ستره الله يوم القيامة. فما أعظم هذا الثواب. وهذا الحديث العظيم الذي يرغب في قضاء الحاجة ومساعدة الآخرين وينشط المسلم لفعل الخير، فعن ابن عمر ـ رضي الله عنهما: أن رجلاً جاء إلى النبي صلى الله عليه وسلم فقال يا رسول الله: أي الناس أحب إلى الله؟ وأي الأعمال أحب إلى الله؟ فقال رسول الله صلى الله عليه وسلم: أحب الناس إلى الله تعالى أنفعهم للناس، وأحب الأعمال إلى الله تعالى سرور تدخله على مسلم، أو تكشف عنه كربة، أو تقضي عنه ديناً، أو تطرد عنه جوعاً، ولأن أمشي مع أخ في حاجة أحب إلي من أن أعتكف في هذا المسجد - يعني مسجد المدينة - شهراً، ومن كف غضبه ستر الله عورته، ومن كظم غيظه ـ ولو شاء أن يمضيه أمضاه ـ ملأ الله قلبه رجاء يوم القيامة، ومن مشى مع أخيه في حاجة ـ حتى يثبتها له ـ أثبت الله قدمه يوم تزول الأقدام. ماتدرون ياشباب قد تكون هالمساعدة سبب في اشياء كثيرة اذا دعت لك هالعجوز او الشايب سبب ان الله ينجيك من حادث امامك سبب انك تتوظف سبب ان الله يرزقك احسن من سيارتك سبب انك تتزوج الاسباب كثيرة الخ ... وانت تروح تدور واسطة عشان تتوظف ولا عشان تدرس يمكن هالموقف وهالمساعدة هو الواسطة لك عند العظيم الاعظم ولا اعم الشباب انا لكن حقيقة ماكنت اشوف اول مثل الحين اول تشوف اكثر من اثنين يعرضون المساعدة ومتحمسين وواقفين الحين تشوف عائلة متعطلة محد وقف عندهم تشوف واحد واقفة السيارة بالمطر ولا احد يوقف تشوف احد مغرز ولا احد يساعدة غريبة والله غريبة منكم ياشباب انا كتبت الموضوع وانا مستعجل ولا كتبته رياء او سمعة لاكن هو موقف وبنيت عليه الموضوع وحبيت اشوف ارا ئكم واحث اخواني الشباب لا اكثر ولا اقل وكلماتي متداخلة واسلوبي ركيك لاني مستعجل لاكن اتمنى اني وصلت الي عندي تحياتي لكم
__________________
[=http://www.ksayat.com]  [/url]
|
|
| الإشارات المرجعية |
| أدوات الموضوع | |
| طريقة العرض | |
|
|
النمط الأحادي