[خوي السرور]

منقول


الوضع يبغاله دراسه ....وترتيـب....
مليـت مـن رتـم الحيـاه الممـلـه
قم ياقصيدي وانـت شيـخ المناديـب
رح قلهم والـي علـى الـدرب قلـه
سويتهم في وسط قلبـي .. معازيـب
لأنهـم ربـع .. ورفاقـه .. وشلـه
عاملتهم بالطيب .. لاكن وش الطيـب
الطيـب بعـض احيـان كنـه مذلـه
حتى التجني لـه طريقـه.. واساليـب
لكـن هـذولا... زادوا الطيـن بلـه
اهل الردى ..والمصلحه.. والاكاذيـب
تجمعـوا مـن كـل مذهـب وملـه
"اطيبهـم" اللـي مايـودي ولايجيـب
يسبنـي..... ولايسـب ...المجـلـه
واعقلهم اللـي لـو يخـط المكاتيـب
ماهو منافـس غيـر شكلـه وضلـه
ان جيتهم طلعت في روسهـم شيـب
وان طولوها .. قلـت سيفـي وسلـه
مانيب قايل يمكن تصيـب .. وتخيـب
الحبل اعقده. وارجـع شـوي احلـه
اغيب ..وارجع كني السيل ..واغيـب
وابقا "عطاالله"... والعطايـا مـن الله
يعني على قول المثل.. وش على الذيب
بنشوف منهـو ياكـل الجـو كلـه؟؟
قصيدتـي تلقـى حفـاوه وترحـيـب
والشعر يكتب لي شكر.. فـي سجلـه
اناعدوالـكـذب والحـقـد والعـيـب
ماصافـح الطيـب عشـان استغلـه
اللي يفتش عن عيـوب .. وعذاريـب
ان ماسكـت .. ولايجـيـب الادلــه
واللي يبيهـا بالشعـر .. والمواجيـب
اقلب عليـه الطاولـه.. فـي محلـه


سلاااااااااااااااام