[مـوادع غرام]

بسم الله الرحمن الرحيم
هذه القصيدة مرثية ابوبندر الحودي بأبنة الفقيد : عمر ( رحمه الله تعالى )
1/7/1432هــ

(f )[poem="type=1 color=#660000 font="bold large tahoma, verdana, arial, helvetica, sans-serif""]باسـمـك إلـهـي فـي جنـابـك تذريـت=أنت الذي تجلي عن العبد الاحزان
البارحة من ضيقة الصدر ما امسيت=يحرم علي النـــوم ما نمـت سهران
عـلى ثـمـر قلبـي فـقـدتـه من البيـت=ابـنـي عمر مـا عـاد شـفـتـه ولاجـان
جان الخبر مـن واحد ليت ما أوحيت=فجيعة شبت على القلب نيران
يا ليت ماحل القدر ليت ياليت=يا لله دخيلك من صواديف الازمان
الناس سبب صبوا على نارنا الزيت=حره بقلبي يلتهب تقل بركان
دنيا العناء فيها تعبت وتعنيت=وضاقت بي الدنيا وشره توطان
لو هي صفت لك ماتخليك لا أبطيت=تسقيك من كآس العناء ملح قطران
تخطي عليك الناس لو كنت ما أخطيت=دنيا البلاوي طبعه دوم فتان
قالوا ترى ابنك انصدم والولد ميت=وتخلف الله في عمر مات يا فلان
صرخت صرخة تفجع الناس و أقفيت=و أقفيت أصيح و اجتلد تقل وجعان
محد يلومن لو بكيت وتماديت=أبكي على ابني يا هل العرف ولهان
من كثر ما هلت دموعي تراديت=وأصبحت من شد البكاء تقل مرضان
لو البكاء ينفع بكيت وتوصيت=مير البكاء ما فاد من قبل علان
المشكى لله عالم سر ما أخفيت=يجبر عزاء أمه والعشيرة والأخوان
لا جاء القدر ما تدفعه لو تتقيت=ولا يدفع المحظور لا جاء القدر كان
منول لا جاء بشوفه تهنيت=يجلي همومي لا تكلم و حاكان
ما يغيب عن بالي ولو كنت صديت=يا كيف أبنسى اللي فلا هوب ينسان
ما لك عن المقسوم ولو قلت سويت=أسوت سوات اللي بنى سبع الأركان
يا اللي فرضت الصوم صمنا وصليت=تجعل لنا في آخر العمر غفران
لا شفت أنا ثوبه عن البيت هجيت=متمزع ثوبه من الدم غرقان
ما كنه إلا ثايرن به دناميت=الحادثة يسخف لها رحمة انسان
الأمر لله عالم بسر ما اخفيت=هو الذي بيده تصاريف الازمان
شالوه من فوق النعش عقب ماجيت=راحو بثمر قلبي مغطى بالاكفان
أركرض ابلحقهم وعن الدرب زليت=موكب جنازتنا تعجل وخلان
نكست أنا للبيت ولا عاد دليت=ولا عاد اميز مسلكي تقل عميان
وصلاة ربي عد من حج البيت=على النبي راعي الفضيلة والاحسان[/poem]