[قـــصـــيـــة]

أسعد الله أو قاتكم بالخيرات والمسرات


بحكم اني خوافه من المستشفيات ماأروح إلا للضرورة القصوى وأي صخنه خفيفة مرّه مع القهوة والحمدلله على العافية ^_^

قبل كم يوم رحت مع الوالدة الله يشفيها ويحفظها لموعد بمستشفى المركزي ياالله المبنى من الداخل بحالة يرثى له ..!!!
والله كنت أبصوّر لكن ماقدرت الرجال يميني ويساري وبالغرفة الطبيب
لكن راح أوصف لكم بالتفصيل الجزء اللي شفته من المستشفى

السقف متصدّع وبقايا الماء أو المطر (خرايط) عليه والجدران أيضًا متصدعة ودهان على دهان (بويه) شكله ولابيت شعبي!
والأبواب حالتهن حاله حتى المزلاج قدييييم يعني مافيه مفتاح!
وغرفة الطبيب اردى وادق رقبه : (
أسفل الطاولة عليه خشبة مثبتة بمسامير لأنه مصدّي! والمغسلة قديمة والسباكة للسخان كلها صدى
حتى دروج الملفات أسفله مصدّي وأعتقد ماينفتح الدرج إلا بوجود الدفاع المدني ذذ

^^
هذا كوم والإستقبال كوم ثاني !!!!

الله يعين الموظفين المكيف ماله وجه وعليه ورقه علشان يثبت الهواء لأنه مافيه مراوح توزيع الهواء ..!
والحواجز اللي بين الموظفين والمراجعين عبارة عن أوراق ملصوقه مع بعض بلاصق شفاف!


والله العالم إن الخافي أعظم! ياخزياه المستشفى واجهة من واجهات مدينة بريدة ليش كذا
وليش كل هالسنين ساكتين على هالوضع المزري!


إلا على فكرة وراه مدير المستشفى مايعزم الأمير على فنجال قهوة ؟