 |
|
|
|
|
16-09-2005, 07:15 PM
|
#1 |
|
عـضـو
تاريخ التسجيل: Mar 2004
البلد: الرياض
المشاركات: 1,644
|
أكثر من 8 أشخاص على الماسنجر يسألوني : مدحت .. ماكتب شي جديد ؟؟ عاد تدرون وش سويييت
اليوم .. كل ما جيت أدردش مع واحد .. وإذا :
- هلا والله بالهدبه .. مدحت كتب موضوع جديد اليوم ؟؟ - إيه كاتب موضوع عن الحج والعمره ونااااااسه - قريناه .. نبي شيء ثاني ؟؟ - لا والله يخوك ، ماكتب موضوع غيره ..! **** - الهدبه ؟؟ - هلا والله بعيون الهدبه ؟؟ . - ما حولك موضوع لمدحت ؟؟ - يخوي وينك ؟؟ اليوم كتب موضوع ! - غيرموضوع طرائف الحج والعمره كتب شي؟؟ - أبد سلامتك . *** - الهدبه .. مساء الخير ؟؟ - مساء النور .. ( على بالي داخل يسلم عليّ) . - وش عند مدحت ؟؟ - أخوي معك الهدبه .. مهب مدحت ؟؟ - أدري أدري .. بس مدحت كتب موضوع جديد شي ؟؟ - بالله عليك وأنت شايفني وكيل لمدحت في الماسنجر ؟؟ - أعصابك يا شايبنا ! - وأنتم خليتوا فيني أعصاب ؟؟ .. ما سنجري مفتوح 24 ساعة .. ما دخلتوا إلا علشان مدحت .. وموضوعات مدحت.. وينكم .. يوم إني قاعد أهش ذبان بلحالي من منتدى أدبي إلى منتدي أدبي .. ألحين .. استحلى عندكم الهدبه .. ؟؟ - لا والله .. بس اللي نعرفه أنه يعزك ويقدرك ! - بس ... علشان كذا ؟؟ ..... أقول اقلب وجهك ! *** - السلام عليكم هدبه ؟؟ - وعليكم السلام .. شوف من الحين .. مواضيع مدحت .. عندك المنتدى ! - مين مدحت ؟؟ ...... أنا جارك أبودحيم .. ترى نور السيارة الصغير مولع قلت أبعلمك لا تفضى البطارية .. ! - ما قصرت .. معليش أخوي أبو دحيم .. أنا آسف ! - وش دعوى هدبتنا.. حصل خير .. إلا على فكرة من هو اللي اليوم كتب موضوع عن طرائف الحج والعمره وناااااااسه ؟؟ - عن أذنك جاي أبودحيم .. دقيقة بس .. أبشقق ثيابي وأجاوبك ! ***
__________________
رحم الله والدكـ ياابا عبدالعزيز ..
اللهم أسكنه فسيح جناتكـ .. وأجعل قبرهـ روضه من رياض الجنة آخر من قام بالتعديل الهدبه; بتاريخ 16-09-2005 الساعة 07:19 PM. |
|
|
| الإشارات المرجعية |
| أدوات الموضوع | |
| طريقة العرض | |
|
|
النمط الأحادي