 |
|
|
|
|
10-10-2011, 02:56 PM
|
#1 |
|
عـضـو
تاريخ التسجيل: May 2008
البلد: تحتاج تجديد
المشاركات: 495
|
هــذا رد على موضوع في الساحات المفتوحة ... لكنه رد يمززززع التسبد.. ادخلوا وانت
.. هـــذا رد على موضوع للعضو بندر 1430)
... .. رد إنــما إيه .. وكان موضوع الأخ بندر عن مرحلة الخمس سنوات من العمر وكيف كان الطفل يعيشها... جاك بعدين الأخ أظنه مشعل نت .. ولخبط الدنيا لخبطه .. رد ولا اروع .. .. .. تــأمل في حديثه عن نفسه ( مجرد سولافة) .. ..بالنسبة لي أتحدث عن الماضي , لكن لا أتمنى رجوعه البتة !! الصبح :- ممهون كترك بالمدرسة , وكل درس أردى من اللي قبله . والمدرسين من النغاله تحس انه ينقهر أذا جت العطلة . وابن ابوك غب عن المدرسة . الظهر :- تحوس بالمطبخ تدور قير الأتاري - مغبا عشاني كاسرن قارورة الميرندا - اللي يباع عند محلات الغاز !! العصر :- المتنفس الوحيد ( كابتن ماجد ) واذا قضت تدور الكوره ولاه انصاف - كاسرن النجفا - . المغرب :- يجي الله لايحلله دنيا ولاأخره هالحروش ( دفتر الواجبات ) . وكتاب القواعد والله من يوم شفته أول مره برابع ابتدائي مارتحت له ابدا ابدا . عقب الأخير :- الأوامر الملكية :- بعد الصلاة مر الخباز وجب ( بريال ونص ) ومر البقالة ( جب بيض ) , أنا أمس جايب و ( فلان ) وش حيثه ؟ وش حضرته مايجيب ؟! تجيب وأنت ماتشوف الجاده . شلون أشيلهن طيب ؟!! جب وانت منثبر ! أييييه خلاص أجيب . وأنت راجع للبيت تلقى عند العاير واحد يحتريك تجي بس ( ويمسح بك الأرض ) مره يقول فاتنن على أخوي الصغير ومره فالقه ومره كابن تراب على سيارتهم !! من زينه مستبيشي تراه . وبعد ماتلحس ايدك وتدور الفراش نسيييييت وووااااووك , اثره علي حفظ قران باتسر الدرس الأول . وبتله مدرسين القران حبيبين بالحيل . وأول ماتغفي عينك وتروح بلأحلام السعيدة ( اي هين ) يقدح الضرس قدحتن تشوف الدنيا وانت بفراشك , كلن يشاخر والدنيا خرمس أتوحش أقوم من الفراش . واذا قمت ماعندك الإ بخاخ البنج اللي بتله بيد الصيدلية اللي بمغسلة الرجال , والإ القرنفل اللي بالثلاجة له ست اسنين ماسكر غطاو , ويجي التقلب بالفراش وأسالن عن ليالي الشتاء إلى يذن الأول . واذا اصبحنا يالله المدرسه انت وياو , أبغيب ياناس ضرسي موجعن البارحة . همن تجيك نظره تنسى شئ اسمه الغياب . حتى الركعة والسجدة بالصلاة ماتسلم من خقله !! كود تحجز العامود وعساك تسلم . الهموم والنكد أكثر بواجد الحين ,, بس ولو ,,, وش عليه أتمنى يرجعن ,,, مامثلهن ذكريات بس .
__________________
.................................................. . |
|
|
| الإشارات المرجعية |
| أدوات الموضوع | |
| طريقة العرض | |
|
|
النمط الأحادي