[كآيدهمـ]

ملاحظة
هذا التقرير خاص فيني
وتم عملة العام الماضي
وتم انزالة بئحد المنتديات ..
ـــــــــــــــــــــــــــــــــــــــــــــــــ

بسم الله الرحمن الرحيم
اول شي اكرر معايدتي لكم
وانقل لكم تقريري المتواضع الى تم من يوووم
الاثنين الى الثلاثاء الموافق
9ـ10/12/1431هـ وكان التصوير
من جوالي المتواضع E72

طبعا ما فية رووحه لسوق الغنم او من ذا القبيل
الغنم من المزرة رحت وتم تحميل 11 خاروف
تبي تستغربووون من العدد ولكن التقسية كتالي
6 خرفان ببيت جدي وموزعه على اهل البيت <<
< اهل البيت او من اهل قريش
مثل سالفه المحشش الي بالنكت ذذ

المهم والاهم يبقى خمس خرفان مدري خواريف
2 لصديق الوالد وخوية بالدوام << وتم توصيلة الى بيته
وواحد لعمتي << وتم توصيلة الى بيتهم
وواحد للسوري الي ماسك البيت بوية <
< مدري احس ان عنده بنت وجدي خاق معه
واخر واحد لبو جيرانا وخلينا الخاروف عندنا الى يوم العيد .

طبعاً التقرير متكون من 31 صورة متنوعه ومتفرقة
واتمنا ان تنال على اعجابكم وتعليقاتكم الحلوه نسعد بها .

طبعاً عقب ما انتهيت من الشغل الي بالمزرة ركبت الخرفان
بالدينه وو ديتهم للبيت كل الحدعشر خاروف وتم تنزيلهم ببيت جدي.

واليكم بعض الصور .

بعد ما نزلت الخرفان الخاصة بالبيت رحت ووديت خاروف عمتي و خوي ابوووي
وهذا الكلام كان قبل العيد بيوم وقبل الساعه 10 الصباح .

وفي الليل مريت على الخرفان (( الخواريف )) اشيك عليهم والتقطت لهم صورتين بالليل .

بعد ما قمت الفجر وصليت الفجر ورجعت من مسجد العيد
تم تغير الملابس وارتداء ملابس السفاحين عاد لبسي
وعلى قولة عماني طالع مثل عمال ( لبون ) حقين اللحوووم
وانتم وش تقولون ؟؟

طبعاً ذي الصورة ما دريت عنها الى بعدين اختي مصورتن وانا ما ادري ذذ
وهذا موتري قبل الفكتوريا والحين مع عمي يعني ما راح بعيد .

طبعاً انا رايح اشيك على الوضع قبل لا نبدى واشرف على التجهيزات الموجوده
وشيكت على كرسي جدي وهو اهم شي الي يجلس فية ويحرق
اعصابة ويعطي الاوامر الي اطلق من اوامر العسكرية طبعاً من غير تلعين ذذ

ومن ثم الصحون و كياس الزباله و الزباله وانتم بكرامه والقدر

وتم التشيك على حبل المصلخ عسلك ما تتعلق فية زي الصورة الي تبي تجي حدر .

بعد كذا تم التشيك على المسن الكهربائي وسكاكين الذبح وسن سكاكين الصلخ .

وتم تجهيز الحطب الارطى مع المنقل لكي حسحسة الروووس و الكراعين .

وبعد كذا اخذت فرة على الغنم مع كم صووورة حلوه تلاحضووون الرواق
كل ذا خايفين ان البوية يجيها شي ابد يوم الاثنين مخلصين من البوية .

لا يجي واحد يسوي نفسه فاهم ترى الصورتيين يختلفن ذذ

وبعد كذا بدينا بالشغل

تحذير للقلوب الرقيقة والي يخافون من الدمان
ترى آلسفآحـ كآيدهمـ آلمشآكسـ مو مسئول عن اي
حلات نفسية تحصل للشخص المتابع او حالات اغماء وخفقان للقلب
وارتفاع ضغط الدم والي اعمارهم اقل من 15 الرجاء عدم النزووووول
يعني للبالغين فقط ذذ

7
7
7
7
7
7

الي علية بدله ذا اخوووي عبودي لابس
مدري وش فريقة يبي يفرق مع الخرفان طائرة ذذ

عاد على التجمع على الخروووف والله لو هو اسد 4 جالسين حووولة ذذ^^
وعد الذبح يتم تعليق الذبيحة وهذي الصورة الي تكلمت عنها فوووق
عسلكم ما تتعلقووون بدالها قولو امين .

تلاحضوون حاطين على الجدار بلاستك كي ما يجية دم ذذ

عاد كل الذبايح ذبحها نفس الطريقة والتقطيع هم بعد
والحين حسحسة الرووووس عسل روسكم ما تحسحس بنار جهنم
قوووولو امين .

وبعد الانتهاء يتم الافطار كبده الغنم ولكن
انا ما اكلها ولا اواطنها والله لو هي عاد كبده حويشي

ودي افهم ليش الملاعق ؟؟ ذذ

عاد عقب ما خلصو من سفك الدماء وكل شي تم جمع الجلود وتحميلها بالدينه
مع المقسوووم من الاضاحي الى الجمعية يستقبلووون الجلون مع لحم الاضاحي .
وانتهيت من توصيلهن الساعه ... الصورة تحكي لكم .

طبعاً الساعه 11:30 ولكن مو باينه بالمرة .

عقب ما عطيت الجمعية المقسوووم عطون اشياء حلوه والله يجزاهم خير
كرتون فاين مع قارورتين موية القصيم وكتيبات دعوية .

القارورة الي على اليسار من زووود العطش مكعت ام الكيس وشربتها ذذ .

بعد ما رجعت للبيت اخذت لي دش وتروشت وتجهزت لصلاه الظهر .

وعاد الحين اقلطو استريحو بالمجلس لين اجيب القهوه و الشاي لكم .

والى هنا وينتهي تقريري المتواضع
عاد عندي احساس انه انا الي ابي انزل تقرير بس
والباقي ام السحبان على الموضوع ...