[طراد الهاجري]

السلام عليكم ،

كيف حالكم ياجماعه ؟ ، طبعاً بعد نزول النتايج امس .. كثير طلع لهم الشيء الي يجيب الهم :

"نتيجة الاختــبار
درجة القسم اللفظي موقفة
درجة القسم الكمي موقفة
الدرجة الكلية موقفة
ملاحظات ورقة إجابتك تحت التدقيق ، راجع الموقع في تاريخ 2/24
"

وبعد ماقرأت اكثر من موضوع بالمنتدى هنا ، فهمت من اكثر الشباب ان هالشيء معناه
ان الفرق كبير بين نسبتك الماضيه والنسبة الجديده ، وهالشيء فرحني صراحه وماصدمني ..

لأني بكل اختصار الاختبارين الماضيين دخلت ماأعرف شيء .. على عماها
وهالمره الحمدلله شديت حيلي وتعبت .. فكننت متوقع فرق كبير بين درجتي الماضيه والدرجة الحاليه ..

طبعاً كمية الاختلاف مو متأكد منه .. مره قريت هنا انه 15 ، مره 17 ..
واحد قالي بالتويتر 20 .. خخخ "عز الله جبنا 100%"

بس مافي احد اكيد ، فقلت مافي الا اني اتأكد من مركز قياس نفسه!
اتصلت عليه ، "014909090"

واعطوني اجابات مبهمه جداً .. مافي اي شيء جاوب عالاسئلة الي براسي ..
كل الي سواه جاوب على كل اسئلتي بـ " يوم 24 كل شيء بيتحدد "

سألته هل صحيح معنى هالشيء الفرق 15% نسبه وفوق ؟ قالي يوم 24 بيتحدد ..
سألته هل في مجال ان الاختبار ينلغى ؟ جاوبني نفس الشيء ..
قلت له الله لايهينك ماعندك اي خبر غير هالشيء ؟ قالي ، ياأخي احنا مانعرف شيء ..
اادخل عالموقع بيوم 24 ، وكل شيء بيتحدد ..

والله هم ياجماعه .. أحس اني مو عارف اركز باختباراتي .. كل خوفي ان الاختبار ينلغى بعد كل هالتعب ..
في احد منكم عنده الخبر اكيد ؟
او اتصل عالمركز وعطوه اجابه ممكن تساعد ؟

علمونا الله يوفقكم ..