[أبوفارس الخالدي]

الساعه 4.30 م

نورة تجي لم فهد بحجرة الجلوس

نورة : يافهد ودني السوق

فهد : ماني فاضي لتس بعدين

نورة : هاللحين مو بعدين باقي على المدرسه يومين لازم أشري مريول

فهد : والله البلشه هالحريم نقص خلاص بكرى هاللحين ماني رايق

نورة : كل يوم بكرى ماهي حاله يافهد لا وتقول لأبوي لاتجيب سواق

فهد : أقول لاتبلشينن قومي زيني شاهي وكولي تبن مابقى إلا تخلونن سواق عندكم

نورة : أيه الله يهديك يازين السواق بعد او تدري أبسوق أنا عطن السياره


الساعه 4.35 م

تررررررررن ( يخرج الجوال)

فهد : هلا السلام عليكم هلا نصّوري كيفك سم لاماعندي شي تعرف عزوبية مالك
ألا تكبر الوساده ولاتدور مع الشله هاه تبي تطلعون سم هذاي جاي لا ماعند
شين أبد خمس دقايق وأنا جايك ..

تدخل الأم (الحكومة) يافهد ود أختك تشري مريول باقي على الدراسه يومين

فهد : توه تفطن تقول لي هاللحين أبكشت مع أخوياي ماني فاضي له
بكرى ولا تشوف له حل ..

تهز نورة راسه وتقول ياحلالات ياقرار قيادة المراءة للسيارة

الأم : وشو عطاتس البلا وش هالهرج استغفري ..
نورة : اللي سمعتي إذا كنت أنتِ وأمهاتنا خايفات علينا أخوتنا ماخافوا
علينا وعلشان كذا سواقة المره زينه ..

محب المجتمع أبوفارس