[مدحت شوقي بريده]

يالبي يابو ريااااااااااااااض ..

القف هالموقف حصل لي بالبر ..

كنت رايح أنا وخوي لي .. لشباب كاشتين بالليل ..
وقلت لرفيقي وش رايك نطب عليهم بدون مايدرون عنا ..
وقمت وبزعت وطفيت النور .. <<((== على بالي زرقاء اليمااااامه ..

وأنا خابر اللي يطفي النور بالبر يهدي السرعة ..
وخويك الدبشه داق الطبلون امشي ترلليون ..

شوي ومادري الا السياره تطامر فوق وتحت ..
ويوم وقفت السياره واثري بحجر خويي من المطامر ..

يالبي نزلنا نشوف وش السالفه اثرنا متعلقين بشجرة ..
قسم ان الكفرات عن الأرض شبر ..

قال خويي .. الشرهه مهيب عليك ..
الشرهه على اللي يطيعك .. احسب عندك سالفه ..

قلت لوه ياخي احسبك تشوف ..
قال وش دخلك بي اشوف والا لا .. هالحين انت اللي تسوق والا انا ..

قلت اقول وش السوات .. قال يالله دبرنا انت وخشك ..

قلت ماهنا الاندقه رجليه لأخوينا .. طبعاً اخوينا على بعد كيلوين بالليل والبرد ..
<<<((== طبعاً من يوم مشينا من عند السياره .. وخويي ماخلا لعنة حافظه الا وقاله لي .. ولا اسم حيوان بالعالم الا قالوه لي ..



عااااااااااااااااااد ووصلناهم ورحنا وجبنا السياره ..
وقضينا تلك الليله مابين اخذ ورد نتجاذب أطراف الحديث <<((== ماكأنه بداء يقراء من كتاب ..

وناااااااااااااسه يالبي ..

اقول ترى رفيقي اللي جاء معي .. عيا يرجع معي .. حتى وحنا بالنهار ..
يقول اروح على رجليني ولا ارجع معك ..


ونااااااااااااااااااااااستين يالبي ..