[مدمن نت]

بسم الله الرحمن الرحيم

بصراحه صليت صلاة التراويح كذا مسجد الاول مسجد السلمان واللي يقرأ فيها الشيخ صالح المبرك

ماشاءالله تبارك الله صوته رووعه وخشوع للمصلين وصوته جهوري الله يجزاه خير


لكن مشكلته بخيل علينا بالدعاء فهو يدعي يوم وراء يوم يعني مره يوتر ومره لا .

المسجد الثاني : صليت بمسجد حي الضبيعي جنوب بريدة وبرضه مره يوتر ومره لا .


المسجد الثالث: صليت بمسجد غنامه داخل الحي وبرضه مره يوتر ومره لا .


ياخي الحين الانسان جاي وعاني على شان الاجر ويبي الدعاء وتبخلون علينا ترى الشهر


شهر واحد وشهر فضيل افضل من كل الاشهر والحسنه تضاعف واشوف والله شياب وعجائز جايين

يبون هالدعا ء لا سيما ان اخواننا المضطهدين في سوريا وبورما بحاجه ماسه لدعاؤنا وبالأخير


يتكاسل امام المسجد عن دعاء لا يتجاوز العشر دقائق إن لم يكن اقل من ذلك .


فأرجوا من المسئولين النظر في ذلك او اللي يعرف الأئمه انه ينصحهم ويرشدهم لأننا والله نبي


ندعي لأنفسنا واهلنا وامواتنا واولادنا وحوائجنا واخواننا المجاهدين في الشام وبورما


نرجوا من الجميع التفاعل والسلام عليكم ورحمة الله وبركاته ، ، ،