|
معاناة مابعدها معاناة / أدخلو وأقرو تكفون / :)
الســلام عليكم يـ أعضاء المنتدى
أنا عضوو جديد وحبيت أطرح موضوع الكل غافل عنه وأتمنى أنهـ يوصل للمسؤلين
وراح أتكلم بـ كل صراحهـ معكم / ندخل للموضوع
طبعاّ كلكم تعرفون دار الملاحظة
ترا مو شرط كل من دخل هـ المكان يكون مجرم أو أنساان فاسد / بـ العكس الله مايبلى المسلم الا وهو يبغى يدلهـ على الطريق الصح / وهاذي من محبة الله لـه
أنا وبصراحة صارلتي قضية ودخلت هـ المكاان / دخلت فيه بـ 24/3/1432 وطلعت بـ 1432/29/ 11 وأنا من سكاان مدينة الرسس / بسراحه المكان هاذا يضم أطفال وشباب لايتجاوزون من العمر 17 والله يـ جماعه أنهم يعانون من معاناه مايعلمها الا الله / من ناحية الملبس والاكل والشرب / مافي أهتماام / ويشهد الله على كلامي بـ حياتي ماشفت أوصخ من أكلهم لـدرجة تعودنى نلقى حشرة بـ وسط الاكل والملابس مثل ماتخذها المغسله ترجعها ولا كأنها أنغسلت حتى البسس الي حنا نلبسه يكون لبسه كذا واحد والامرااض متواجدهـ بكثرهـ / والضلم بـ الدار صار شي عادي / المراقب يسب الطالب ترد عله يوديك أنفرادي تشتكيه / يـ يبتليك بـ مصيبه وأنا مأتكلم على كل المراقبين / والله أذكر مرهـ زار الدار عضو من وزارة الشؤون الاجتماعه وحيتله على معاناتنا بـ الدار ومن بعدهــا دخلني مدير الدار الانفرادي بسبب شكوهـ لجل حقوقنا / وحتى مواد النضافه الشخصيه توزع كل شهرين مع العلم أن الي يوعونه علينا لكل فرد مايكفي شهر / يعين شهر نضيفين والشهر الثاني دبر حالك / مع أن الدولة تصرف مواد نضافهـ للفرد شهريا وليس كل شهر / وأنا وواحد من الي معي الله يذكرهـ بـ الخير سوينا أضرااب وجتنا تعديدات من الادارهـ / ولاطلع بـ يدنا أي حيله / والله يـ جماعه أن الدار أمراض وأكل من أوصخ شي ولبسس من أوصخ مأرئيت / والمشكله لا رقيب ولا حسيب حتى دورات المياهـ وأنتم بـ كرامه نصها مافيها أقفاال ولا فيها أي أهتمااام /  ترل حنى بشر مو حيونات / والله يـ جماعه أن الدار بها من الفساد وسوء أدارة ماتتصورنهـ والي يشتكي تجيهـ تديدات من الادارهـ / وأنا الي خلاني أكتب هـ الموضوع لأأني قبل لاأطلع عطيتهم وعد أني أبنشر معاناتهم وسوء الادارهـ / والساكت عن الحق شيطان أخرسس / وكل الي أبيه يوصل صوتي لأحد المسؤليين ولو يبيني أقابله أنا مستعد أقابله / المهم مابي غيري يجرب الي جربته ومثل مأنا ماني راضيها على نفسي مأرضاها لغيري / وأتمنى مأكون أزعجتكم بموضوعي / وأنا والله ماكتبت هـ الموضوع / الا وأنا مقهور من المعامله الي فـ الداار / حتى لو أنهم أصحاب قضايا / أو سوابق كلنا أوادم / وكلنا مسملين وكل أنساان يخطي وخير الخطائين التوابي / 
|
03-01-2013, 05:05 AM
النمط الأحادي