[المسفهل]

بالخيراااااات والنيراااااات
يا حيّ الله جماعة الربع .. يا حيّ الله الأحباب
تكفون قبل ما تقرون موضوعي .. أجدعوا التعصب وراكم وخلونا نتكلم بالواقع
.
.
تصدقون هالسعوديين اللي بالمحلات غاثينن ورافعين ضغطي
يا أخي .. لا منك دخلت وسلمت ردّ عليك بطرف خشمه هذا إن ردّ وإلا ( المريه الغفله )
تحاتسيه .. تسأله .. والله ولا تسن عنده أحد
تلقاو دايم مشغول بالجريدة وإلا بالسواليف وإلا بهالتلفون
.
.
وإن سألته ( بكم هذا ) قال : يا محمد ( بكم هذا ) أعنبوا أبليسك أجل وش اللي
مقعّدك وأنت ما تدري وش الأسعار
وإلا يقول ( يا محمد شف الزبون إيش يبغى ) طيب إنزلع لأهلك لا صرت منتب
مستقبلن زباينك .. ما غير والله تدربي كرشتك وقاعدن على هالكرسي
والله لو تحتك بيض تسان فقشن من كثر القعود ..
.
.
.
أمّا لا منّك دخلت لمحل ما به إلا ( أبو هنود ) يالله من فضلك فأبشر بسعدك
أستقبال حافل .. معرفه بالأسعار .. أبتسامه دائمه
وتلقاو يطامر تقل مقروص علشان يخدمك بعكس ولد جلدتنا ...