 |
|
|
|
|
|
||
| ســاحـة مــفــتــوحـــة المواضيع الجادة ، والنقاشات الهادفة -- يمنع المنقول |
|
|
أدوات الموضوع | طريقة العرض |
12-07-2006, 06:10 PM
|
#1 |
|
عـضـو
تاريخ التسجيل: Jul 2006
المشاركات: 288
|
عاجل .. وخبر قوي : تم تعيين الأخ : مُدمن شاهي ( مُشرف عام على المُنتدى ) !
سلام علاكم
 المشرف العام على المنتدى والله الأسم القوي .. اللي يهزّ جميع المشرفين هاللي دوبهم بدوب الأعضاء الضعوف ! سبحان الله .. ربي .. خلق هالدنيا بين كاف ونون ويمكن يوم من الأيام يصدر قرار يهزّ أبو أركان المُنتدى ... ويكتبون بالبنط العريض فوق [ لقد تم تعيين الأخ : مُدمن شاهي .. مُشرف عام على المنتدى .. أنضبطوا يامشرفين .. ودقّوا له تحيه إذا مرّ من عندكم .. واخدموه إذا قال لكم جيبوا لي شاهي ! ] ! أنا داري أنكم بتضحكون وتقولون ( مُستبعد يامُدمن أنه يكون مثلك أو أحد أشكالك مُشرف .. لا .. وعام ! ) أنا أتفق معكم جميعاً أني مُستحيل أكون مُشرف عام أو مُشرف أحد الأقسام .. حتى لو كان قسم المحذوفات أو قسم الإقتراحات والتطوير والبيض المسلوق ! لكن .. ممكن أكون مُتزلّف من الدرجه الأولى .. وابدى أشبّك المُشرف العام وأحطّه عندي في الماسنجر .. وكل مادخل قلت له ( هلا بالغالي .. هلا بالزين .. هلا باللي سحرني وخطف قلبي وحطّه في جيبه الأيسر ! .. ترى يامُشرفنا العام .. جبت لك أخبار جديده .. ترى مُشرف قسم الملفوف والترحيب يحذف مواضيع بعض الشباب لأنه يقول لهم أنا عنتر .. وترى مُشرف قسم الكمبيوتر يرسل لي باتشات وفيروسات على الخاص .. ويقول أنه يبغى يسوي تجارب علي ! .. وترى مُشرفة قسم الطبخ والنفخ تعلّق مواضيع الحلويات بس .. ومواضيع المُعّجنات تحذفها لأنها بتولد ومتوحّمه في المُعجّنات ! أقدر ألعب على المشرف العام .. وأصير عنده ( دبوّس ) عشان يخليني مُشرف خاص من وراء الكواليس والبرابيس ! بذكر لكم سالفه حليوه .. قبل خمس سنوات .. يوم كانت سرعة النت تمشي زي السلحفاه .. يعني كل خمس دقايق تفتح صفحه .. وكل سبعة أيام أحمّل ملف ! مرّه سجّلت في منتدى .. وبديت أكتب فيه وكل يوم أنزّل مقال .. مرّه أدخل وأكتب موضوع وأقول ( السلام عليكم .. حبينا نسلّم ) .. واليوم الثاني أكتب موضوع ثاني وأكتب فيه بالخط العريض عشان أملى الصفحه وأحسّ أني تعبت ذاك اليوم ( كيف حالكم ياشباب .. اليوم عندنا مطر .. وامس ماجانا شي ! ) .. الشباب صراحه حسّوا أني ( فلته ) وأصلح مُشرف .. ! على طول صدر قرار من المُشرف العام على الموقع وكان رجّال مسكين وغلبان ومايملك إلا ( قلب أبيض ) و ( بطيخه على راسه ) ! تدرون وين حطني مُشرف ؟ حطني مُشرف على المنتدى الإسلامي .. ! مدري كيف تجي هذي .. ! كان مُشرف القسم الإسلامي واحد من الشباب .. وفي يوم من الأيام ( مات ) وحطوّا له عزى في المنتدى .. ومالقوا بديل إلا ( أخوكم المُدمن ) .. وعاد صرت كل يوم أنتظر الموت .. عشان يحطوّن لي عزا ! تغيّرت 180 درجه .. عشاني صرت مُشرف المُنتدى الإسلامي ! صرت كل يوم أنزّل حديث عن [ الموت ] .. ثم أروح للرسائل الخاصّه وأفرّغ مافي جُعبتي من الضحك والهبال ! يوم ورى يوم إلا والمنتدى صار خامل .. ولافيه إلا مواضيع بسيطه .. وصارت الرسائل الخاصه هي ( المُنتدى ) وهي ( المواضيع ) وهي ( الكُل في الكُل ) ! أكتشف المشرف العام على المنتدى أن الدعوه بدت تتخربط .. وان ( المُدمن ) خرّب الأعضاء .. وبدال مايصير المُنتدى حليو .. صار ( مشمش وبصل أخضر ) ! خمسة أيام بالضبط .. إلا وتجيني رساله من المُشرف العام على الخاص .. أخي : مُدمن شاهي .. لقد تم ترقيتك من مُشرف المنتدى الإسلامي .. إلى مُشرف ( برا المُنتدى ) ! أصِبت بخيبة آمال .. ماهو عشان المنتدى أو الإشراف .. لكن عشان الخيانه من المُشرف العام تُجاه ( عضو فعّال في وطنه الصغير ) ! أقول .. يامُشرف عام .. خذ هالحديث النبوي عن أبي عـبد الرحمن عبد الله بن عـمر بـن الخطاب رضي الله عـنهما ، قـال : سمعت رسول الله صلى الله عليه وسـلم يقـول : بـني الإسـلام على خـمـس : شـهـادة أن لا إلـه إلا الله وأن محمد رسول الله ، وإقامة الصلاة ، وإيـتـاء الـزكـاة ، وحـج البيت ، وصـوم رمضان ) رواه البخاري . يالله أشوفكم في الرسائل الخاصّه ! يامُشرف .. لك مُهله ثلاث دقايق .. ياتحطني مُشرف معك .. أو تحطني مُشرف على الباب سلام ! [ مُدمن شاهي ] |
|
| الإشارات المرجعية |
| أدوات الموضوع | |
| طريقة العرض | |
|
|
النمط الأحادي