|
واللي يرحم والديكم عطوني حل قبل باتسر
بسم الله الرحمن الرحيم
اولا انا جديده ومالقيت الا منتداكم لكن مافيه قسم خاص لمشكلتي وكتبت هناوادري اني خاطمه بس مادري وين اكتب وصراحه بغيت اكتب بالمواضيع الجاده وخفت لانه هيبه وقلت ابكتب هنا المهم ..
ابقولكم معاناتي مع تحديد المصير يوم الاربعاء اخر يوم للتسجيل بالكليه لنسبتي والمفروض اني مسجله من زمان لكن عجزت احدد القسم السهل قدمت على اقتصاد قسم فنيه قلت علشان اصير رسامه وانا ماعندي ماعند جدتي قالوا حرام نسبتس زينه ادخلي تغذيه وانا مالي خلقه اخاف اسقط بمسح الفرن ومواده كثيره. سحبت ملفي ورحت لكلية التربيه وشفت زحمه وطوابير على مكتب وصفيت معهم واثرهم على انجليزي قلت خلين ادخل واجرب حظي ومليت من الوقفه وشفت قسم عربي ودراسات يهشون الذبان من القلة ورحت لهم وقالوا حرام نسبتس تدخلتس انجليزي وحامت تسبدي قلت له دخلين انتي اللي تبين قالت لا واخذت ملفي ورحت لعلمي وقدمت على كيمياء قالوا حسافه ادخلي رياضيات وهنتس تقولين ابي حاسب لان نسبتس بدون فيتامين (و) وفكرت ادخل حاسب اللي بالجامعه قالوا موب زين ولاتوظفين ومكانه بقالع المدى وبصراحه كل الاقسام مالهن مستقبل والحين ملفي عندي ويقال ( ماندم من استخار الخالق وشاور المخلوقين وتثبت على امرة)
وابي منكم الفزعه بالراي واللي يرحم والديكم قبل باتسر او السبت
|
03-07-2002, 12:01 AM
النمط الأحادي