[شيمو]

السلام عليكم ورحمة الله
قريت في اكثر من مره عن المشاكل اللي اساسها يكون في الطبع او العادات
وحبيت اشارك وانفع ان شاالله
يمكن الزوج او الزوجه في بداية حياتهم الزوجيه ينصد مون في بعض لانه
مافي حاجز يغطي عيوب او الطباع اللي تكون مو محببه للشخص الثاني
مثل الزوج يكون من النوع الصامت او الهادي والزوجه تكون مرحه زياده
او العكس الزوجه جاده والزوج مرح .... اعرف زوجه كان ممكن تطلق عشان
مشكلة زوجها الصامت ... وكانت دائما تنتظر من زوجها انه يكون اول من يبدا
الحديث .. وبما انه زوجها من النوع الصامت فكان ما في حديث اصلا ....
طيب ليش ما تتنازل الزوجه هنا شوي وهي تبدا مثلا .. كيف كان يومك في العمل ؟؟؟
سمعت اخر خبر ؟؟؟؟ ( طبعا انت وشطارتك جيبي اي خبر من الجريده ) انا اليوم عازمتك
على العشى في مطعم وانت الي تختار ( ممكن تختاري سالفه تتناقشوا فيها ... وصدقيني هو اللي
راح يدفع الفاتوره )
هذا شي بسيط يعني انت ومهارتك... وبعد فتره الزوج راح يتعود...
يعني ما ينفع العناد لان المرأة الذكيه تعرف كيف تتصرف وما تترك سفينتها تغرق
المهم الزوجه الي كانت تبي تتطلق اتبعت هذي النصيحه ونجحت معاها الطريقه حتى انه
زوجها اذا جا من العمل جلس يسالها .. كيفكم والاولاد وش صار اليوم واخر الاخبار ...
يعني عودت الزوج وهذا هو بيت القصيد .....


اختكم : شيمو