[..هوجــااس..]

بلخيـــــر يابنات العرب

تسيف الحال؟؟!!

كوووووووووووح كووووووووووووح وه معليش بس لافحن الهوى من الطلعه ماتدحملت واجد..

أيـــــــــــه ياحبيله هالطلعه..
وناسه×وناسه
اقول مجموعة مشاعر وراتس ماقلتي اللي راكبه الدباب عادي تراي ما استحي قوليلهم أنه انا ومشيت على كفرين وسيفت وبالرجعه لقيت حنايا تتمشى مادري وش عنده والله أوميــر أشعثه وأركبه وراي وأبدالتس تسييف بهالنفد وهي ماغير تزمجر هي وصوته اللي تسنه صفيرة حكم يعلن أنتهاء المبارات وفوز السعوديه..
..

اقتباس لا ولاَّ هوجاس والله ياأنا قعدت أضحك عليها ماده يدَّه علشان تصير الأولى تحسب إذا مدتها تفوز

ايه انتي لاأصنتس المفروض انا اللي افوز بس الحكم غشاش يوم اني سبقتكن مدت رجله وخطرفتلي بس اشوا كنت لابسه الجلال وطاربي ماطحت وكملت الركض ..
الشكوى لله زوووولم عيني عينك..


إيه صح قبل ما أنسى حمامة بريده وش صار عليتس يوم تدربيتي وأمتلت خشتس تراب أخبرتس أنغمتي ومادري وش صار عليتس عقبه هو أنتي متى ولا لاء؟؟
..
أقول شهد العسل بغيت أفطنتس ترا الماسه وحايليه باقيلهن على عشره من القطيه يوم يقولنلتس مامعنا صرف بعدين ندفع أخذتي منهن؟؟!!

بنات أنا يوم رجعت البيت عديت البيالات وأثرهن ناقصات أحد منكن معه حقتي؟؟
ولقيت بعد بيالة السيف الخماسيه مب لي أنا حقاتي كلهن بادريق؟؟
..
بنت الشماسيه تراي لقيت بشنطتي الفازلين حقتس مادري وش جايبه ابكزه لتس ان شاء الله لاشفتس بس وشوله انتي جايبه ؟؟؟
به أحد من البزارين به مشق ولا شي ماشيات؟؟ <<<<<:D
..
أقول بنات ترا الطلعه الجايه أبقعد قدام بالباص مالي شغل رازينن ورى غايصه ماشوف أحد ولا أسمع شي من قرقكن ماغير هالبزران صكو راسي بخرطهم ودودهم وااااااااااع



ترا أبو خلف يقول لاتقعد وراي شهد العسل افغت راسي بالقرق







..
يالله أخليكم دي الوقيت وأوافيكم بالباقي لاحقا

تشااااااااااااااااااااااو