[أنا هو]

بسم الله

ياشباب كيف الحال ، إن شاء الله تكونون بخير - آمين - .

طرى على بالي أحط استبيان على شان كل واحد يعرف مستوى ايمانه ، ويصير هذا بنفسه .

س / هل تحافظ على صلاة الفجر جماعة بالمسجد ؟
ج /
1/ كل يوم والحمد لله .
2/ أفوت بالأسبوع مرتين .
3/ الله يخلف على حسب النومه .

س / هل تحافظ على السنن الرواتب ؟
ج /
1/ كل السنن الرواتب .
2/ يوم ويوم .
3/ بالشهر خمس مرات .

س/ كم وجه تقرأ من القرآن ، ومتى تقرأ ؟
ج/
1/ كل يوم ، أقل شيء وجهان .
2/ بالأسبوع ثلاث مرات .
3/ الجمعة إذا رحت مبكر ، ولا برمضان .

س/ تحب رأس والديك ؟
ج/
1/ نعم وبكل فخر .
2/ إذا جيت من سفر أو كشته .
3/ ما أذكر آخر مرة .

س/ وشلونك مع الصدقة ومواساة الفقراء ؟
ج/
1/ لي أمر مستديم كل شهر .
2/ كل ثلاث شهور تقريباً .
3/ برمضان ، واحياناً تطلع غصب بشهر ذي الحجة .

س/ وش صنفت نفسك ؟
ج/
1/ ماشاء الله عليك ، ولا ترتخي .
2/ حاول تضغط على روحك .
3/ الله يخلف ، تراك تبي فرمته .

وياريت يثرى هالموضوع بالردود اللي تصير تكمل نقصه .