[الصباخ]

الشايب والعجوز .. ماتستحي وأنت تقوله .!







بسم الله الرحمن الرحيم ..

ها أنا عُدت إليكم من جديد .. بموضوع جديد .. وبفكرةٍ جديدة .. بعد توقف دام فترة من الزمن .. نظراً لظروف عمل ..

لندخل في صلب الموضوع ..



يقولك قال الشايب .. وقالت العجوز .. قال الشايب .. وقالت العجوز ..


كثير نسمع بعض الشباب الله يهديه ويصلحه .. يقول الشايب والعجوز .. وهو يقصد الوالد والوالدة الله يطول بعمرهم على الطاعة ..

الحين هذا مايستحي وهو يقول عن أبوه وأمه الشايب والعجوز ..


بصراحة أنا احتقر اللي يقول كذا .. واعتبر هذا من باب العقوق للوالدين ..

ومن باب الاحترام والبر لهما تتحدث عنهما في كل مجلس بخير .. وتقول الوالد والوالدة اللي يطول بعمرهم ..


أنا بصراحة هالفترة الماضية .. شفت كثير من الشباب يقول الشايب والعجوز ..

ورحنا مع الشايب وجينا معه .. وقالت العجوز وسوت العجوز ..


هل هذا احترام وتقدير لما قدماه لك أيها الشاب .!

علشان تقول عنهم هالكلام ..


ياخي عيب عليك والله تقول كذا ..

أنا اعتبر اللي يقول كذا .. هذا من باب العقوق والعصيان ..


وإلا هل لو سألت الوالد أو الوالدة .. وقلت لهم أبقول الشايب والعجوز .. راح يرضون إنك تقول هالكلام .!


حتى لو افترضنا إنهم كبارين بالسن .. فعيب تقول عن أبوك وأمك هالكلمات ..

تقول الوالد والوالدة الله يحفظهم ويطول بعمرهم .. وتذكرهم بالخير ..



ماله داعي إني أطول عليكم ..

وأهم شيء الفكرة وصلت لكم ..


وتدرون قبل ما أخلص الموضوع .. خل أحط سؤال للجميع ..



س/ هل من قال عن والديه الشايب أو العجوز .. هو عاق لهما .!



خلاصة الموضوع يا إخوان ..

إن من باب الاحترام والتقدير للوالدين إنك تقول عنهم كل خير .. ولا تنعتهم بهذه الكلمات .. حتى وإن كانا كبيران في السن ..
وتحدث عنهما بأجمل الأسماء والألقاب ..




تشكراتي للجميع ..



المساحة الصغيرة اللي باقية .. اتركها لكم ..





كتبه الفقير إلى الله .. ومحبكم الصباخ ..
بتاريخ 23/8/1428هـ ..




بالتوفيق للجميع ..